Amelior Nou Bann Kapasite dan Nou Minister—Montre ki To Interese Ar Bann Dimounn
Kifer Li Inportan: Avek enn leker sinser, Jésus ti interes li ar sak dimounn. Par exanp enn zour, li’nn remarke ki enn dimounn pa pe santi li alez dan lafoul parski li sourd. Li’nn amenn li dan enn plas kot pena personn ek la li’nn geri li. (Marc 7:31-35) Jésus ti ena osi konsiderasion pou so bann disip. Li ti konn zot limit, akoz sa li pa ti bonbard zot avek enn kantite linformasion enn sel kout. (Jean 16:12) Mem si asterla li ena enn gran pozision dan lesiel, Jésus ankor montre ki li interese ar bann dimounn. (2 Tim. 4:17) Antan ki so bann disip, nou anvi fer parey kouma li. (1 Pierre 2:21; 1 Jean 3:16, 18) Anplis, nou pou vinn pli efikas dan nou minister si nou interese ar sak dimounn, ek nou pran kont so sitiasion, seki interes li ek seki trakas li. Lerla, kitfwa li pou pli anvi ekout nou parski li pou santi ki nou pa la zis pou pas enn mesaz ouswa pou kit bann liv, me ki nou vremem interese ar li.
Esey Fer Sa Pandan Sa Mwa-La:
Pandan to ladorasion an fami, ouswa kan to avek lezot proklamater dan to minister, fer bann ti demonstrasion kot enn proklamater bizin adapte so prezantasion ar seki dimounn-la dir.
Pandan sertin renion predikasion, frer ki responsab kapav mansionn ouswa fer enn demonstrasion lor fason ki nou montre ki nou interese ar bann dimounn.