“Mo Pa Pe Reisi Zwenn Li!”

Eski to finn deza dir sa konsernan enn dimounn ki’nn montre lintere? Mem si plizir fwa to finn vizit sa dimounn-la, to pa pe reisi aroz lagrin laverite ki to’nn plante. (1 Cor. 3:6) Parfwa, bann proklamater ki ena lexperyans ekrir enn let sa dimounn ki zot pa finn reisi zwenn la, ouswa zot les enn ti-mo anba so laport. Sertin proklamater devans sa sitiasion-la kan zot demann dimounn-la so nimero telefonn. Par exanp zot dir: “Eski ena enn mwayin pou kontakte ou?” Sak fwa ki nou vizit enn dimounn ouswa nou rann temwaniaz par let, e-mail, mesaz, enn ti-mo anba laport, ouswa kan nou telefonn li, nou kapav kont sa kouma enn vizit. Mem si nou pa reisi zwenn dimounn-la kot li, nou kapav swiv so lintere.