Kanpagn Spesial pou Koumans Bann Letid Labib an Septam

Pandan mwa Septam, nou pou fer bann gran zefor pou servi brosir Viv Ere pou Touletan!, pou propoz enn letid Labib dan sak lakaz. Bann proklamater ki desid pou fer pionie tanporer sa mwa-la pou kapav fer 30-er. Dan ki fason nou pou kapav partisip dan sa kanpagn spesial la?

• Premie Kontak: Servi dernie paz brosir-la pou atir latansion bann dimounn ek montre zot kouma enn letid Labib deroule. Pa bliye bann dimounn ki’nn montre lintere dan lepase, kouma par exanp, bann ansien vizit. Mem si dan lepase, zot ti refiz pou etidie, kitfwa zot pou interese ar sa nouvo brosir-la ek nou nouvo fason pou fer letid. Fode pa kit sa brosir-la kot bann absan ouswa avoy sa dan enn let kot bann dimounn ki pa’nn montre lintere. Pandan sa mwa-la, Komite Servis Lasanble kapav osi azout bann lezot randevou predikasion.

• Lezot Lokazion: Si to lasanble kapav fer prezantwar, bann proklamater pou prezant brosir Viv Ere pou Touletan! Fer bann ki’nn montre lintere kone ki ansam avek sa brosir-la, zot kapav osi profit enn letid Labib gratis. Explik dimounn-la kouma enn letid Labib deroule, ouswa pran randevou pou zwenn li apre. Kitfwa responsab predikasion kapav demann bann proklamater ki ena lexperyans pou propoz enn letid Labib dan bann teritwar komersial. To kapav osi propoz enn letid Labib to bann koleg ouswa bann dimounn ki to zwenn.

Zezi finn donn nou lord pou “fer bann disip,” ek pou “montre zot met anpratik” seki zot inn aprann. (Mt 28:19, 20) Nou espere ki sa kanpagn spesial la ed nou pou servi brosir Viv Ere pou Touletan! pou akonpli sa lobzektif-la.