KOUMA NOU KAPAV GAGN LAVIKTWAR LOR LAENN?
4 | Gagn Laviktwar lor Laenn Gras-a Led Bondie
Seki Labib Ansegne:
“Bann fri ki Lespri li prodwir, li lamour, lazwa, lape, pasians, bonte, konpreansion, fidelite, douser, kontrol so prop lekor.”—GALAT 5:22, 23.
Seki Savedir:
Li posib pou aret ena laenn avek led Bondie. Gras-a so lespri sin, nou kapav devlop bann kalite ki nou pa kapav kiltive par noumem. Alor, olie ki nou kont lor nou prop lafors pou sirmont sa santiman laenn la, li bon ki nou kont lor led ki Bondie donn nou. Si nou kont lor Bondie, nou pou ena mem santiman ki lapot Pol, ki ti dir: “Li kler ki sa pwisans extraordiner la li sorti kot Bondie, pa nou ki ena sa.” (2 Korintien 4:7) Ek, nou pou kapav dir: Mo “sekour pou vinn depi LESEGNER [“Zeova,” NW].”—Psom 121:2.
Seki Ou Kapav Fer:
“Zeova inn transform mwa. Alor ki mo ti enn dimounn violan, Zeova inn fer mwa vinn enn dimounn pasifik.”—WALDO
Priye Zeova ek avek tou ou leker, demann Li so lespri sin. (Lik 11:13) Demann Li pou ed ou pou devlop bann bon kalite dan ou lavi. Etidie seki Labib dir lor bann kalite ki ede pou sirmont laenn, kouma lamour, lape, pasians ek kontrol lor noumem. Rod bann lokazion pou kiltiv sa bann kalite-la dan ou lavi ek fer kamarad ar bann dimounn ki pe fer zefor pou ena sa bann mem kalite-la. Sa bann dimounn-la kapav “ankouraz [ou] pou ena lamour ek pou fer dibien.”—Ebre 10:24.