‘Ki volonté Bondié faire’
1. (a) Ki theme nou l’assemblée special enn jour pou l’année service 2012? (b) Kifer li bon ki nou examine sa sujet-la?
1 C’est grace a volonté Jéhovah ki nou existé zordi. (Rév. 4:11) Alors, li impossible ki nou la vie vrai-mem ena enn but si nou pa aprann ek nou pa faire volonté Bondié. Sa c’est enn kitsoz ki facile pou dire mais pa facile pou faire. Kifer? Parski nou bizin la guerre kont tendance ki nou ena pou faire “bann kitsoz ki nou lekor . . . pousse nou pou faire” ou-soit pou faire “volonté bann nation.” (Éph. 2:3; 1 Pierre 4:3; 2 Pierre 2:10) Sans l’aide Bondié, ena enn risk ki Satan “maye nou vivant dan so filet pou faire so volonté.” (2 Tim. 2:26) Nou l’assemblée special enn jour pou l’année service 2012, pou aide nou tou pou agir en accord avek troisieme supplication ki trouve dan la priere modele. So theme c’est: “Ki to volonté faire.”—Mat. 6:9, 10.
2. Ki bann question ki pou examiné pendant l’assemblée?
2 Bann question ki nou pou examiné: A mesure ki ou suive programme l’assemblée, ecoute bien reponse sa bann question-la: A part ecoute Parole Bondié, ki kitsoz encore ki important? Couma nou kapav comprend ki Bondié envie pou nou? Kifer nou bizin disposé pou aide tou qualité dimoune? Couma nou kapav ena enn la vie bien rempli ki faire nou gagne satisfaction? Jeune, ki ou bizin montré Jéhovah? Ki recompense nou gagné kan nou faire volonté Bondié? Kifer zordi, li bien important ki nou fortifié ek encourage lezot?
3. Couma nou kapav tire maximum profit ar programme l’assemblée?
3 Faire tou seki ou kapav pou assisté ek pou suive bien tou bann sujet. Pendant l’assemblée pou ena enn orateur visiteur, ki pou soit enn representant Béthel soit enn surveillant itinerant. Senti ou libre pou koz avek li ek so madame, si li marié, avant ek apré l’assemblée. Kan ou retourne kot ou, “pa blié” tou seki ou’nn tendé. Au contraire, nou encourage ou, ensam avek ou famille pou ré-guette programme l’assemblée ek guetté couma ou kapav faire plus pou agir en accord avek volonté Bondié.—Jacq. 1:25.
4. Kifer nou bizin faire volonté Bondié vinn nou priorité?
4 Dan zis enn tipé le temps encore bann ki pé galope derriere zot bann prop desir ek ki pa ou’lé soumette ar volonté Jéhovah, pou detruire. (1 Jean 2:17) Nou bien reconnaissant ki Jéhovah finn prepare sa l’assemblée-la pou aide nou faire en sorte ki so volonté vinn enn priorité dan nou la vie.