“Contigne faire sa”
Nou pou faire Mémorial le 5 avril
1. Kifer Mémorial li important?
1 “Contigne faire sa en mo memoire.” (Luc 22:19) Par sa bann parole-la, Jésus ti demann so bann disciple commemore so la mort. Kan nou guette tou benediction ki nou gagné grace a la ranson, pena okenn jour dan la vie enn chretien ki pli important ki jour Mémorial. Couma nou kapav montré nou reconnaissance envers Jéhovah a mesure ki le 5 avril pé kosté?—Col. 3:15.
2. Couma nou kapav prepare nou leker pou Mémorial?
2 Prepare-nou: Normalement nou prepare-nou bien pou bann kitsoz ki important pou nou. Anou prepare nou leker pou Mémorial, kan en famille nou etudié bann l’evenement ki ti arrivé dan bann dernier jour la vie Jésus lor la terre ek kan nou medite lor la. (Ezra 7:10) Dan ou calendrier ek dan ou brochure Anou examine la Bible toulé-jour, ou pou trouve enn ti la liste sa bann verset-la. Dan La Tour de Garde 1er février 2011, page 23-24, en français, ou pou trouve enn la liste complet sa bann verset-la, ek bann chapitre avek ki li corresponn dan livre Le plus grand homme.
3. Couma nou kapav montré nou reconnaissance pendant lepok Mémorial?
3 Preché: Nou kapav montré nou reconnaissance aussi kan nou faire nou maximum dan nou ministere. (Luc 6:45) A partir samedi le 17 mars, campagne l’invitation pou Mémorial pou commencé. Eski ou finn organise ou programme pou faire plus dan ou ministere, kitfois-mem faire pionnier auxiliaire? Kifer ou pa discute sa en famille prochaine fois ki ou reuni pou ou l’adoration en famille?
4. Ki bann bienfait nou pou gagné kan nou pou assisté Mémorial?
4 Nou gagne beaucoup bienfait kan nou assisté Mémorial chaque l’année. Nou la joie ek nou l’amour augmenté a mesure ki nou medite lor generosité ki Jéhovah inn montré kan Li’nn donne so sel Garson ki Li’nn crée direct, couma enn ranson. (Jean 3:16; 1 Jean 4:9, 10) Sa oblige nou pou pa vive zis pou nou-mem. (2 Cor. 5:14, 15) Sa augmente aussi nou desir pou loué Jéhovah en publik. (Ps. 102:19-21) Pena doute ki bann serviteur Jéhovah ki reconnaissant pé attann avek beaucoup impatience l’occasion ki zot pou gagné pendant Mémorial, le 5 avril, pou “contigne annonce la mort nou Seigneur.”—1 Cor. 11:26.