26 Ary hoy koa Izy: “Raha mihaino tsara ny feon’i Jehovah Andriamanitrareo ianareo, ary manao izay mahitsy eo imasony ka tena mihaino ny didiny sy mitandrina ny fitsipiny rehetra,+ dia tsy hisy halefako aminareo ny aretina nalefako tamin’ny Ejipsianina,+ fa izaho no Jehovah izay manasitrana anareo.”+

15 Hesorin’i Jehovah tsy ho eo aminao tokoa ny aretina rehetra. Ary tsy hisy hataony mahazo anao ny areti-mandoza rehetra tany Ejipta izay efa fantatrao,+ fa izay rehetra mankahala anao kosa no hataony azon’izany.

24 Ary tsy hisy mponina hilaza hoe: “Marary aho.”+ Ho voavela heloka+ ny olona monina ao amin’ilay tany.

14 Sitrano aho, Jehovah ô, dia ho sitrana.+ Vonjeo aho, dia ho voavonjy,+ fa ianao no deraiko.+

15 Fa hanasitrana ilay marary ny vavaka+ atao amim-pinoana, ary i Jehovah hanarina azy.+ Raha nanota koa izy, dia havela ny helony.+

4 Ary hofafany ny ranomaso+ rehetra amin’ny mason’izy ireo, ka tsy hisy fahafatesana intsony,+ sady tsy hisy intsony ny alahelo na ny fitarainana na ny fanaintainana,+ fa efa lasa ny zavatra taloha.”+