BETI-LEBAOTA

(Beti-lebaòta) [Tranon’ny Liom-bavy].

Anisan’ny tanàna voalaza fa an’ny fokon’i Simeona saingy tao amin’ny tanin’i Joda. (Js 19:1, 6) Voatonona teo anelanelan’i Hazara-sosa sy Sarohena izy io. Tany amin’ny faritr’i Negeba àry no nisy azy io, mety ho tany andrefan’i Beri-sheba na tany atsimoandrefany. Lebaota fotsiny no iantsoan’ny Josoa 15:32 an’i Beti-lebaota, fa “Beti-biry” kosa no iantsoan’ny 1 Tantara 4:31 azy io. Mety ho anarany taorian’ny sesitany ny hoe Beti-biry.​—Jereo BETI-BIRY.