Ho volana manokana ve ny volana Aprily ho anao?
1 Miresaka matetika momba ny volana Martsa sy Aprily ho toy ny vanintaonan’ny Fahatsiarovana isika. Koa satria ny fankalazana ny Fahatsiarovana dia mitranga foana amin’io fotoana amin’ny taona io, dia voatosika mba hampitombo ny fandraisany anjara amin’ny asa fanompoana ny vahoakan’i Jehovah.
2 Ny sasany izay nirotsaka ho mpitory maharitra mpanampy tamin’ny Martsa dia hanohy hanao izany ary hisy hafa koa hiaraka aminy amin’io fampitomboana ny fanompoana io mandritra ny volana Aprily. Raha afaka mandray anjara ianao, dia tokony homenao avy hatrany ny fangatahanao.
3 Na dia ireo tsy afaka ny ho mpitory maharitra aza dia afaka manao izay haha-volana manokana ny volana Aprily amin’ny fampitomboana ny asa fanompoany. Azo antoka fa misy zavatra be dia be tokony hatao. Angamba ireo mpitory tsotra sy mpitory maharitra ao amin’ny kongregasiona afaka manasa ireo mpitory tsy vita batisa vaovao mba hiara-miasa aminy eny amin’ny saha fitoriana. Tokony hisy ezaka manokana hatao mba hanasana ireo olona liana rehetra hanatrika ny Fahatsiarovana amin’ny faha-17 Aprily.
4 Raha mailaka isika hiarahaba ireo vaovao tonga manatrika, dia mety ho afaka hanomboka fampianarana Baiboly iray hafa. Noho ny fitahian’i Jehovah ny ezaka mitombo ataonao, dia hitondra vokatra ny fanompoanao ary ho hita ho volana manokana ny volana Aprily ho anao. — Sal. 34:8; Ohab. 10:22.