Hatsarao ny Fanompoanao: Ezaho Ampianarina ny Olona Fanateranao Gazety
Nahoana izany no tena ilaina? Maro no tia mamaky ny gazetintsika, nefa tsy te hianatra Baiboly. Efa afa-po amin’ny fivavahany angamba izy, na mieritreritra hoe tsy manam-potoana hianarana. Rehefa mamaky tsy tapaka ny gazetintsika anefa izy, dia mety hangetaheta ny fahamarinana ao amin’ny Baiboly. (1 Pet. 2:2) Mety hisy lahatsoratra hanohina ny fony, na mety hiova ny toe-javatra misy azy. Hifankazatra kokoa amintsika izy raha mitsidika kely azy tsy tapaka isika. Ho haintsika koa ny zavatra mahaliana sy mampanahy azy. Mety hianatra Baiboly izy amin’ny farany.
Andramo izao amin’ity volana ity:
Ataovy lisitra izay olona azonao anaterana gazety. Omeo azy ireo ny gazety nivoaka farany, ary resaho aminy fa hanateranao indray izy rehefa misy vaovao.