Moolumo oopacera omphantte 1

Ibiibiliya, impacera yuulumaka citthu coopattusiya, wiira inikavihere woona citthu comaana Yehova pattusilyaawe wiirimu ni va watuniyani va. Wakhala wiira nyuuva nhoyara, munkavihere mwaninyu woona citthu cinci coovirikana Yehova pattusilyaawe. Mmoonihere mananna aapattusilyaawe apinaatamu ni wiira ayo ahaana ifayita cinene uvikana inama, kontha ayo anaakhitiri wuulumaca, wuupuwela, upanka citthu, wiipa ni ulompa. Mmwiitthucihe wiira Nluku haana ikuru ni ucuwelaca ni mmoonihere wiira Yehova naafenta citthu cotheene pattusilyaawe unihela nhina hiiva apinaatamu.