Moolumo oopacera mpphantte 2

Kontha isiyani Yehova alakenlyaawe ukwanyulaca ituniya ni maaci menci? Kontha unavinreene ukati Nluku nawumpileene apinaatamu, cahopacera ukhumelela citthu cootakhala watuniyani. Atthu akhwaawe, toko Atamu, Hawa ni mwaamwanaya eehaniya Kayim yaahothanla uhimwiiwelela Nluku. Masi atthu vakaani paasi, toko Apeli ni Nowee, phaathanlile umwiiwelela Nluku. Ule ukatyuule, atthu yantepa upanka citthu canrusa Yehova. Phimaana, uyo aholakela ukwanyulaca ile ituniyeele. Ula mphanttyoola, unaahala unikavihera ucuwela wiira Yehova naanoona wakhala wiira hiiva ninthanla ukhala mphantte waale ampanka citthu cootakhala awula waale ampanka citthu comaana. Ciicammo, ninaahala woona wiira Yehova khanaahiya wiira ale ampanka citthu cootakhala akhale mpaka.