Moolumo oopacera o mphantte 6

Ukati asarayeli waaphiilyaaya ilapo yaakhuluvelihiyaaya, itapernaakulu naari nipuro naahalaaya unswalela Yehova. Anankuttho heetthuciha malamulo ni masuwiisi phaavaha malakihero a Nluku wiira yaakavihere apoovu ucuwela itthu yoopheela upanka. Ula mphanttyoola, ninaahala woona citthu ntthu cinlakelaawe awula cimpankaawe cinonkaviheraaya awula cinonlolovihaaya upatthani urinaawe ni Yehova. Ciicammo cinwirihaawe akhunanawe upanka citthu comaana awula coohinamaana. Khula nsarayeli aahaana nrintti uhoolo wa Yehova ni wo a Sarayeeli akhunanawe. Mmwiitthucihe mwaninyu mananna Teepora, Nowemi, Josuwe, Ana, mwaana a Jefté ni Samuweli mananna canswalenlyaaya Yehova yaakaviheraka akhunanaya. Ciicammo mmoonihere wiira Raapi, Ruti, Jayeli, Macipiyonita ni atthu akhwaawe yahanswalela Yehova yaaholakela utakaneela ni a Sarayeeli nlattu woocuwela wiira yanswalela Nluku eekhweeli.