Vyakuomvya Ivyeo Vya Kutulangilila Vino Tungasimikila

Aina yakaombesya pa kupekanya ivyeo vya kutulangilila vino tungasimikila, nupya ya kasimikila aingi yazana ukuti vikaomba ningo sana umu vifulo vino yakasimikilamo. Nomba pa mulandu wakuti ivikacitika umu nsi vikapusanapusana ukulingana ni mpanga, ya kasimikila lino yakuomba umulimo wa kusimikila yangaomvya imilanzyanyizizye ipusaneko nanti ivyeo vyuze ivingazwa antu aaya uku ncende iyo. Nomba lino kwaya kampeni iiyele, ya kasimikila yalinzile ukulondela ivyeo vyonsi vino yayanena. Uyo witu u wakufikilizya umulimo uno Yesu watupeela uwa kusimikila ilyasi lisuma ilya Wene.—Mate. 24:14.

Lino ya kasimikila yakupekanya malyasi ya asambi, yalinzile ukuomvya ivyeo vya kutulangilila ivya kusimikila ivikaya umu kabuku kakuti Swe Ina Klistu nu Mulimo Witu. Nomba nanti ciye vivyo, ya kasimikila yangasenula iuzyo, ilembo, ni vyeo vya kulanzyanya umuku ulondelilepo ivingaomba ningo uku cifulo cao. Ivyeo vii vyapyanikizya pa vyeo ivyaya apifwa 8 umu kabuku kakuomvya pa kulongana ka mu Juni 2020.