Kortokjãn Bok eo Naan in Keeañ
1 Jemaroñ ke kal̦apl̦o̦k ad jipañ armej ro em̦ool bũrueer ñan bõk tokjãn jãn bok eo etan Naan in Keeañ. Aet jemaroñ, ñe jej kate kõj kortokjãn im kõjerbale bok in.
2 Ta eo emaroñ jipañ kõj? Erkein ej jet wãween jemaroñ kõm̦m̦ani:
◼ Riiti Bok Ko: Riiti kajjojo katak ko ilo bok in Naan in Keeañ! Ilo am̦ riiti kajjojo katak ko, kajjitõk ippam̦ make, ‘Wõn eo katak in ej ekkar ñan e—ro jinen ke, em̦m̦an ro ke, ak jodrikdrik ro? Ilo bok eo am̦ make, kakõl̦l̦eik juon ak ruo mel̦el̦e ko im kwõmaroñ kõjerbali ñan leto letak bok eo. Innem l̦õmn̦ak kõn wãween eo kwõmaroñ kaitoklimoen armej ro kõn men eo kwõj kõnono kake ilo tukadu.
◼ Jemaroñ Ke Kal̦apl̦o̦k Ad Leto Letak Bok Ko?: El̦apl̦o̦k kiiõ oran bok ko rej jilkinl̦o̦k ñan kajjojo eklejia ko jãn kar m̦okta. Kwõmaroñ ke kal̦apl̦o̦k ijo kun̦aam̦ ilo kwal̦o̦k naan ñan leto letak bok in Naan in Keeañ?
◼ Karõk Juon Raan in Leto Letak Bok Ko: Elõñ eklejia ko em̦õj aer karõke juon raan ñan aer leto letak bok ko ilo kwal̦o̦k naan. Kwõmaroñ ke rejetak eklejia eo kõn raan in em̦õj aer karõke? El̦aññe kwõjjab maroñ, kajjioñ kajenolo̦k jet iaan raan in kwal̦o̦k naan ko am̦ ñan leto letak bok ko ñe kwõj jerbal jãn em̦ ñan em̦ ak ñe kwõj bar jepl̦aak ippãn armej ro.
◼ En Wõr Bok in Naan in Keeañ Ippam̦: Bõk jet bok ippam̦ ñe kwõj etal jãn jikin ñan jikin ak ñe kwõj kaikujkuj. Lel̦o̦k ñan ro kwõj jerbal ippãer, ro ri turum̦, ri jikuul̦ ro, ak ri kaki ro. Jet jodrikdrik ro rej aolep iien bõk bok ko ippãer ñan jikuul̦ me katak ko ie renaaj kaitoklimoen ri kaki ro im ri jikuul̦ ro. Bõk bok ko ippam̦ ñe kwõj etal ñan jikin peejnej ko im lel̦o̦k ñan ri jerbal ro ie ãlikin am̦ wia ak kõl̦l̦ã. Elõñ iaad jej wia kiaj aolep iien. Etke jejjab lel̦o̦k bok ko ñan ro ilo m̦õn wia kiaj ko? Kwõmaroñ bar kortokjãn bok ko ñe ro nukũm̦ rej lowõj eok, ak ñe kwõj uwe ilo baj ko, kab ñe kwõj kõttar ilo aujpitõl̦ ak ijoko jet. Kwõmaroñ ke bar l̦õmn̦ak kõn iien ko rekkar ñan leto letak bok ko?
3 Meñe Naan in Keeañ ko remaroñ an allõñ ko remootl̦o̦k, ak ejjab mel̦el̦ein bwe ejako aer aorõk. Mel̦el̦e ko ie rej aorõk wõt im ejjab dikl̦o̦k aer aorõk jekdo̦o̦n ñe emaroñ to aer pãd. Ijello̦kun ad likũti wõt bok kein eto aer pãd im mel̦o̦kl̦o̦k kaki, em̦m̦anl̦o̦k jen kate kõj ñan kortokjãer im lel̦o̦k ñan armej ro rej itoklimo. Juon wãween jemaroñ kõm̦m̦ane men in ej ilo ad likũt juon iaan bok kein me eto aer pãd ilo m̦oko me armej ro ie rejako.