Elij Kin Theocratic Ministry School
Elij in book eo ej kilek kin men ko kar katak kake ilo Theocratic Ministry School ilo week ko jen May 3 ñan August 23, 1999. Kajerbal bar juõn paper ñan je uak ko ñan joñan kajitõk ko kwomaroñ uaki iumin ien eo kar karõke.
[Lale: Ilo ien elij, Bible eo wõt kwomaroñ kajerbale ñan uak jabdewõt kajitõk. Etan book ko rej walok elikin kajitõk ko rej ñan am make etale. Number in peij im paragraph ko remaroñ jab walok ilo aolep ijjitõñ ko ñan Imõniaroñroñ.]
Uak kajjojo nan ko ilal Mol ak Jab Mol:
1. Ro jemen im jinen rejjab aikwij kõmman oktak ko ilo nan in kakabilek ko ilo Bible ñan jerbale ilo kõmmanwa ibben ro nejiir. [fy p. 108 par. 14]
2. Unin tel eo elap an aolepen Bible eo ej karreoik etan Jehovah ikijen Ailiñ eo me “ine” eo kar kallimur kake ej iroij. (Jen. 3:15) [si p. 17 par. 30]
3. Ewõr wõt jejjo men in kamol ko ilo archaeology (katak kin men ko ibulen bũdej) im men in kamol ko jet ñan kamole jejjet in men ko rar walok me kar jeje ilo book in Exodus. [si p. 20 par. 4]
4. Ro elap air jeramel rejjab maroñ jabawõt kin money ñan kowõnmanlok jerbal in Ailiñ eo. [w97 9/15 p. 5 par. 7]
5. Ukõt bõkã ñan jemen im jinen im jimman im jibwin ej mõttan kabuñ eo ad ñan Jehovah. (1 Tim. 5:4) [w97 9/1 p. 4 par. 1-2]
6. Kejbãrok ran in Sabbath ilo jinoin kar juõn kakõlle ikõtan Jehovah im ailiñ ko otemjej. [Konono Bible; lale rs p. 345 par. 3.]
7. Ñe juõn ajiri ebwe an ritto ñan an jino kõmman bebe ko an make, ej laplok an bõk eddon makitkit ko an, elaptata ikijen an bokake kien eo an Anij. (Rom 14:12) [fy p. 135 par. 17]
8. Moses ear je book in Leviticus ilo yiõ eo 1513 B.C.E. [si p. 25 pars. 3-4]
9. Nan ko an Jesus emwij je ilo Luk 21:20, 21 kar jejjet kitieir ilo 66 C.E. ke jar in tarinae eo an Ri Rome iumin General Titus ear ilok jen Jerusalem. [w97 4/1 p. 5 par. 3-4]
10. Katak eo an Epicurus ear kauwatata ñan Christian ro kinke ear wawa ion lemnak eo an eriap, eo 1 Dri Korint 15:32 ej kwalok kake. [w97 11/1 p. 24 par. 5]
Uak kajitõk ko ilal:
11. Ta eo jemaroñ katak jen kien eo ej kemo air mõñã kioeo einwõt emwij je ilo Livitikõs 3:17? [Konono Bible; lale w84 2/15 p. 29 par. 2.]
12. Etke Jehovah ear kõtlok bwe Satan Devil eo en mour wõt? (Ex. 9:15, 16) [Konono Bible; lale w92 3/15 p. 10 par. 14.]
13. Ñe juõn uan family eo ej jelmae juõn nañinmij elap, ta buñten nee ko jinoin family eo en kõmmani ñan likit men ko raorõk mokta? (Ken. 15:22) [fy p. 122 par. 14]
14. Ilo wãwen et eo ailiñ in Israel kar “juõn ailiñ in pris ro”? (Ex. 19:6) [Konono Bible; lale w95 7/1 p. 16 par. 8.]
15. Ta oktak eo ikõtan juõn mej “emõn” im juõn eo “enana”? (Matu 6:22, 23) [w97 10/1 p. 26 par. 5]
16. Ewi wãwen rar maroñ konono kin David einwõt ej etetal “ilo buru e jime im wãnik” ke ear kõmman bwid ko? (1 Kiñ 9:4) [w97 5/1 p. 5 par. 2]
17. An Ri Israel ro “ein drein air kõmõn” aolepen jerbal an imõn kwelok eo ear annañelok ta jerammõn ko ilo ran kein? (Ex. 39:32) [Konono Bible; lale w95 12/15 p. 12 par. 9.]
18. An Jehovah kwalok kin e make einwõt “Ña Eo, Ña E” ear kalikar ta? (Ex. 3:14) [Konono Bible; lale w95 3/1 p. 10 par. 6.]
19. Ta eo jemaroñ katak jen men eo ear walok ñan Nadab im Abihu einwõt emwij je ilo Livitikõs 10:1, 2? [Konono Bible; lale w84 2/15 p. 29 par. 3.]
20. Iumin Kien eo ikijen Moses, etke juõn kõrã ear “jab erreo” ke ear keotak nejin? (Liv. 12:2, 5) [Konono Bible; lale w84 2/15 p. 29 par. 5.]
Kanne nan eo ak nan ko rej aikwiji ñan kadedelok nan ko ilal:
21. Meñe ejelok juõn kein kemour ekabwilõñlõñ kin buromõj, juõn jemen ak jinen ej make ian emaroñ kijenmij kake ikijen kajur eo ej itok jen _________________________ , eo ej bõke ikijen an niknik ilo _________________________ . (1 Tim. 5:5) [fy p. 112 par. 21]
22. Juõn jorrãn eo ej itok ilo mour an juõn armij emaroñ walok kin _________________________ ak kin _________________________ . [w97 5/15 p. 22 par. 7]
23. Book in Exodus ej kwalok kin Jehovah einwõt _________________________ elap im _________________________ karõk ko an raibujuij. [si p. 24 par. 26]
24. Men eo eaorõktata ej wãwen ad bed ñe jej _________________________ , im jab ñe jej bed _________________________ , me ej kalikar kin mol in kain armij rot kij iloa. [w97 10/15 p. 29 par. 4]
25. Elañe kwojkwoj in madmõd ko ewõr jitõb in _________________________ ak _________________________ , Christian ro remol remaroñ bõprae air kaillu Jehovah ilo air jab _________________________ ilo kabuñ rot in etton. [w97 9/15 p. 9 par. 6]
Kãlet uak eo ejimwe ñan nan ko ilal:
26. Kaeñtan eo iumin “ãbuki yiõ” ko ñan inen Abraham ear ijjino ke Ishmael ear kajirere kake Isaac ilo (1943; 1919; 1913) B.C.E. im ear jemlok ke kar lomor ir jen Egypt ilo (1543; 1519; 1513) B.C.E. (Jen. 15:13) [si p. 17 par. 31]
27. Elañe juõn family enaj lo tõbrak in kamadmõde juõn nañinmij elap ak jab ej wawa ion (joñan money; lemnak; insurance policy) eo an ro uan family eo. (Ken. 17:22) [fy p. 120 par. 10]
28. Rej naetan eo ej ba ilo buruen bwe “ejelok Anij” juõn “dri bwebwe” kinke (ej likjap in kwalok mwil emõn; ejelok jelãlokjen ibben; ejelok maroñ eo ñan kõmmanwa). (Sam 14:1) [w97 10/1 p. 6 par. 8]
29. Ke Adam im Eve rar jumae, men eo eaorõktata rar luji kar (wãppen eo air; kõtan eo air ibben Anij; jikiir ilo jikin kallip eo), eo kar key eo ñan mõnõnõ eo air. [w97 10/15 p. 6 par. 2]
30. Book eo (Jenesis; Exodus; Livitikõs) ej konono kin men in aikwij eo kin kwojarjar elaplok jen jabdewõt book ko jet ilo Bible. [si p. 26 par. 9]
Karõk eon kein ibben nan ko ilal: Ex. 5:2; Ex. 21:29; Ken. 1:8; Gal. 5:20; Jem. 1:14, 15
31. Jabdewõt armij eo ej ba ej juõn Christian ak ilo ejelok ukwelok ekkã an kwalok illu elej, ekoba mõn ro uan family eo, emaroñ bukwelok. [fy p. 150 par. 23]
32. Wãwen eo jej emmakit ej ijjino jen wãwen eo jej lemnak. [fy p. 148 par. 18]
33. Jehovah Anij ej kõttãik aolep ro rej ilo beran makoko in kile Maroñ in Iroij eo an. [Konono Bible; lale w92 12/15 p. 13 par. 18.]
34. Meñe Bible eo ej lelok ñan jemen eddo eo ñan kibel ro nejin, jinen bareinwõt ewõr juõn jerbal eaorõk. [fy p. 133 par. 12]
35. Kien eo ear jab kõtlok bwe jerwan en naunin an juõn maroñ bõk tiriamo ñe juõn armij ear mij. [Konono Bible; lale w95 11/15 p. 11 par. 5.]