Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Pãpode

Lel̦o̦k ñan ri m̦weo tract eo etan Kwo Kõnan ke Jelã Mol Eo? im kwal̦o̦k kajjitõk ko rej pãd ilo peij eo itum̦aan. Innem ba: “Erkein ej jet kajjitõk ko im kwõmaroñ lo uwaakier ilo Baibõl̦ eo. Em̦õj ke am̦ baj l̦õmn̦ak kõn jabdewõt iaan kajjitõk kein?” Ãlikin am̦ roñjake an uwaak, komiro en lale uwaak eo jãn tract eo ñan kajjitõk eo me ej kããlõte, im riiti juon iaan eoon ko. Innem, kõm̦m̦an karõk ñan am̦ jepl̦aak im bar etale bar juon kajjitõk jãn tract eo.

Naan in Keeañ Jãnwõde 2012

“Em̦õj ke am̦ baj l̦õmn̦ak etke el̦apl̦o̦k jorrããn ko ilo lal̦ in ãinwõt taibuun ko, m̦akũtkũt lal̦, im wãween ko jet? [Roñjake an uwaak.] Baibõl̦ eo ear kanaan kõn juon tõre me enaaj wal̦o̦k jorrããn ko rel̦l̦ap. [Riit Matu 24:​7, 8.] Bok in ej uwaake kajjitõk kein ãinwõt: Etke el̦apl̦o̦k wõt ad ioon jorrããn ko rel̦l̦ap? Men kein rej ke kalikkar bwe Anij ej kaje kõj? Etke jej aikuj tõmak bwe Anij enaaj jol̦o̦k aolep jorrããn kein rel̦l̦ap?”

Naan in Keeañ Jãnwõde 2012

“Elõñ armej rej l̦õmn̦ak bwe jorrããn ko rel̦l̦ap rej wal̦o̦k kõnke Anij ej kaje armej ro. Ak baj kwe, ewi am̦ l̦õmn̦ak? [Roñjake an uwaak.] Jorrããn ko rel̦l̦ap rej jelõt aolep armej ro. Baibõl̦ eo ej kwal̦o̦k bwe Anij ejamin kaje armej ro ejjel̦o̦k rueir kõn jorrããn ko rel̦l̦ap. [Riit 1 Jon 4:⁠8.] Bok in ej kwal̦o̦k naan in kam̦ool ko jãn Baibõl̦ eo bwe jen tõmak bwe Anij ejamin kaje armej ro rem̦m̦an im ejjel̦o̦k rueir.”