Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Jeptõmba

“Kwõj ke l̦õmn̦ak bwe armej ro remaroñ kõnono ippãn ro remej? [Kõtl̦o̦k an uwaak.] Bok in ej uwaake kajjitõk in.” Kwal̦o̦k Imõniaroñroñ eo an Jul̦ae-Jeptõmba im riiti pãrokõrããp eo kein kajuon ilo peij 17 kab eoon eo ie. Innem lel̦o̦ke bok in im karõk ippãn ñan am̦ bar jepl̦aak.

Imõniaroñroñ Jul̦ae-Jeptõmba 2011

“Kõj wõj em̦õj ad luuji jet iaan baam̦le ko ad ak ro m̦õttad ilo mej. Kwõj kõjatdikdik ke bwe kwõnaaj bar lo er? [Kõtl̦o̦k an uwaak.] Jouj im lale naan kein relukkuun kaenõm̦m̦an ilo eoon in.” Innem riiti Job 14:​14, 15. Ãlikin am̦ riiti, kõmel̦el̦eik katak eo ilal̦ in kajjitõk eo kein kajuon ilo peij 16 me ej pãd ilo Imõniaroñroñ eo an Jul̦ae-Jeptõmba. Lel̦o̦k bok in im karõk ippãn ñan am̦ bar jepl̦aak im kõmel̦el̦e kake men in.

Imõniaroñroñ Jul̦ae-Jeptõmba 2011

“Enañin aolep rũtto ro rej l̦õmn̦ak bwe emo̦ ñan aer kõnono ippãn ajri ro nejier kõn an l̦eo im lio pãd ippãn doon. Kwõj l̦õmn̦ak ke bwe ãindein an rũtto ro l̦õmn̦ak? [Kõtl̦o̦k an uwaak.] Baibõl̦ eo ej ba bwe ej an rũtto ro eddo ñan kõmel̦el̦eik ro nejier kõn l̦õmn̦ak eo an Anij kõn men in. [Riit Epesõs 6:⁠4.] Bok in emaroñ jipañ rũtto ro jel̦ã kilen kõnono ippãn ro nejier kõn men in meñe emaroñ pen kõnono kake.” Innem kwal̦o̦k katak eo ilo peij 11.