Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Jeptõmba

“Ilo raan kein el̦apl̦o̦k an armej itoklimo im kõn̦aan jel̦ã kõn enjel̦ ro. Ta l̦õmn̦ak n̦e am̦, ewõr ke enjel̦? [Roñjake an uwaak.] Lale m̦õk ta eo men in ej ba.” Lel̦o̦k ñane Naan in Keeañ eo an Okõj 1, im etale kõmel̦el̦e ko ium̦win kajjitõk eo kein kajuon ilo peij 16 ippãn im riiti juon iaan eoon ko. Lel̦o̦k bok eo, im karõk ñan bar jepl̦aak im etale kajjitõk eo tok juon.

Naan in Keeañ Okõj 2012

Riiti Sam 65:⁠2. Innem ba: “Elõñ rej errã bwe Anij ej “roñjake jar ko,” kõn men in rej jar aolep raan. Ak ebar wõr rej kajjitõk, ‘Ñe ewõr juon Anij, etke elukkuun l̦ap nana ko rej wal̦o̦k? Ta baj am̦ l̦õmn̦ak? Elukkuun ke wõr juon ej roñjake jar ko ad? [Roñjake an uwaak.] Bok in ej kwal̦o̦k uwaak ko jãn Baibõl̦ kõn kajjitõk in: ‘Etke Eo Ej Roñjake jar ej kõtl̦o̦k an wõr eñtaan?’ ”

Naan in Keeañ Okõj 2012

“Ewõr ke iien kwõj l̦õmn̦ak bwe Anij ejjab roñjake jar ko am̦? [Roñjake an uwaak.] Jen lale ewi wãween an Sam 65:2 kõmel̦el̦e kõn Anij. [Riit.] Baibõl̦ eo ej kwal̦o̦k bwe Anij ej “roñjake jar” ko. Ewi wãween jej jel̦ã bwe men in em̦ool? Bok in enaaj uwaake kajjitõk in ilo katak in, ‘Wõn Eo Ej Roñjake jar ko ad?’” Ãlõkl̦o̦k ñan katak eo ilo peij 4.