Ien Ibij Liplip Eo Ñõn Ien Bõk Lomor Jen Ijipt

Drualitõk wõt armij ro r’ar dreor jen Ibij Liplip eo, ak elikin jirik ien, r’ar orlok im tõbar elõñ tausan orair. Inem, 352 yiõ ko elikin Ibij Liplip eo, Ebream e ar lotak. Jej katak wãwen Anij e ar kejbarok an kalimur ilo an lelok ñõn Ebream juõn nejin man, etan Aisak. Inem, jen lõmaro ruo nejin Aisak, Anij e ar kãlet Jekob.

Jekob e ar kõmõn juõn famili elap in 12 nejin man im jet nejin kõra. Lõmaro 10 nejin Jekob r’ar drike leo jatiir, Josep, im wiakake bwe en juõn dri kamakoko ilo ailiñ in Ijipt. Tokelik, Josep e ar erõm juõn eo e utiej ilo Ijipt. Ke e ar walok juõn ien ñitta elap, Josep e ar melejoñ lõmaro jein bwe en lale elañe e ar oktak burueir. Eliktata, aolepen famili eo an Jekob, ro dri Israel, r’ar emõkit lok ñõn Ijipt. Men in e ar walok 290 yiõ ko elikin an kar Ebream lotak.

Iomin 215 yiõ ko elikin ien in, ro dri Israel r’ar jokwe ilo Ijipt. Elikin an kar Josep mij, r’ar oktak im erõm dri kamakoko ijin. Tokelik, Moses e ar lotak, im Anij e ar kajerbal e bwe en lomoren ro dri Israel jen Ijipt. Aolepen men kein r’ar walok iomin juõn ien me 857 yiõ aitoken, ilo bwebwenato, im Mõttõn eo Ken Ka RUO ej konono kaki.