Lomor Jen Ijipt Ñõn Ien Kiñ Eo Moktata In Israel

Moses e ar tellok dri Israel ro jen air kamakoko ilo Ijipt ñõn Tol Sainai, ijo Anij e ar lelok ñõn ir kien ko an. Tokelik, Moses e ar jilkinlok 12 eman bwe ren wate tok enen Kenean. Ak 10 iair r’ar jeblaktok kin juõn enan nana. R’ar kõmõn bwe armij ro ren kõnan jeblak ñõn Ijipt. Kin an drik air tõmak, Anij e ar kajeik dri Israel ro im kõmõn bwe ren jebwabwe ilo ene jemaren eo iomin 40 yiõ.

Elikin ien in, Anij e ar kãlet Joshua bwe en tel dri Israel ro ñõn loan enen Kenean. Ñõn jibañ ir bõk ene eo, Jeova e ar kõmõn bwe en walok jet men in kabwilõñlõñ ko. E ar kõmõn bwe River Jordon en bwijrak an tor, bwe en buñ worwor ko in Jeriko, im bwe al en jab makõtkit iomin juõn ran eyu. Elikin jiljino yiõ, r’ar bõk eneo jen ro dri Kenean.

Jino iben Joshua, dri ekajet ro r’ar kien ion Israel iomin 356 yiõ. Je maroñ katak kin elõñ iair, einwõt, Berak, Gideon, Jepta, Samson im Samuel. Jej bareinwõt read kin jet kõra ro einwõt Reab, Debora, Jeel, Rut, Neomai im Dilaila. Mõttõn eo ken ka JILU ej konono kin men ko im r’ar walok iomin 396 yiõ.