Ta Kobban Website eo Amim?

Jesus Christ ear jiroñ rũkal̦oor ro an: “En romaak ami meram im̦aan mejen armej, bwe ren lo ami jerbal ko rem̦m̦an, im nõbar Jememi ilañ.” (Matu 5:16) Bwe kõmin maroñ kõm̦m̦ane men in, kõmij kortokjãn kein jerbal ko rekapeel ilo raan kein, ekoba Internet eo. Etan website eo amim ej jw.org. Website in ej kwal̦o̦k mel̦el̦e ko kõn tõmak ko an Ri Kõnnaan ro an Jeova im jerbal ko aer. Bar ta ko ilo website in?

Kwõnaaj lo uwaak ko jãn Baibõl̦ ñan kajjitõk ko me ekkã an armej ro kwal̦o̦ki. Kwõmaroñ loe uwaak ko ñan jet iaan kajjitõk ko me relukkuun aorõk im armej rej kwal̦o̦ki. Ñan waanjoñak, em̦õj likũt tũrããk kein ruo etaer, Enaaj Ke Jem̦l̦o̦k Ad Eñtaan? im Ro Remej Renaaj Ke Bar Mour? ilo online, im rewal̦o̦k ilo elõñl̦o̦k jãn 600 kajin ko. Bareinwõt ilo website in, kwõmaroñ lo ukok in Baibõl̦ eo an doulul in ilo elõñl̦o̦k jãn 130 kajin. Ebar wõr bok in katak ko jet, ekoba bok eo etan Ta eo Baibõl̦ Ej Lukkuun Katakin Kõj? Kajjojo allõñ, rej bar likũti bok ko etaer Naan in Keeañ im Awake! Kwõmaroñ riiti ak roñjaki jet iaan katak ko ilo bok kein ilo website in. El̦aññe kokõn̦aan, kwõmaroñ bar download katak kein ñan MP3, PDF, ak ñan EPUB. Im el̦aññe ewõr juon m̦õttam̦ im em̦õn̦õn̦õ in katak, eokwe kwõmaroñ print jet peij ko im lel̦o̦k bwe armej in en riiti ilo kajin eo an make! Ebar wõr pija in alwõj ko ilo elõñ kajin ko an ro me rejaroñroñ. Kwõmaroñ bar download tieta ko jãn Baibõl̦, im al ko bwe kwõn roñjaki ilo iien ko kokõn̦aan.

Mel̦el̦e ko rem̦ool kõn Ri Kõnnaan ro an Jeova. Ej bar wal̦o̦k nuuj ko rekããl im pija ak video ko kõn jerbal in kwal̦o̦k naan ko am ipel̦aakin lal̦ in. Nuuj kein im pija kein rej bar kwal̦o̦k kõn men ko rel̦l̦ap im rej jelõt Ri Kõnnaan ro an Jeova ipel̦aakin lal̦ in. Rej bar kwal̦o̦k kõn wãween am jipañ armej ro ilo iien jorrããn ko rel̦l̦ap. Ilo bar website in, ewõr mel̦el̦e kõn kweilo̦k ko rel̦l̦ap me rej pojak in wal̦o̦k im bar mel̦el̦e ko kõn wãween kwõmaroñ tõpar opij ak ra ko am.

Website in ej jipañ kõm bwe kõmin kajededl̦o̦k katak ko rem̦ool ñan jikin ko rettol̦o̦k tata ilo lal̦ in. Website in ej jipañ armej ro jãn jikin otemjej, ekoba Antarctica. Kõmij jar bwe ‘ennaan eo kõn ad Irooj en wõnm̦aanl̦o̦k wõt ilo an ererakl̦o̦k ilo m̦õkaj’ im bõktok nõbar ñan Anij ñan aolepen lal̦ in.​—2 Tessalonika 3:1, UBS.

• Ewi wãween an website eo jw.org jipañ elõñ armej ro bwe ren katak kõn m̦ool eo jãn Baibõl̦?

• Ta ko kokõn̦aan lali ilo website in amim?