“Temple Eo” Im “Iroij Eo” Rainin

“A kin iroij eo ilo bwiljiir, ñe rej deloñtok, e ej aikwij deloñtok; im ñe rej diojlok, e ej aikwij diojlok.”​—EZEKIEL 46:10, New World Translation.

1, 2. Ta key in mol eo ej jibañ kij kabellok melele eo elap ilo vision eo an Ezekiel kin temple eo?

JET rabbi ro in ien ko etto ear jab juburueir kin book in Ezekiel. Ekkar ñan Talmud, jet iair rar lemnak in jolok book in Ezekiel jen lajrak eo ilo Jeje ko Rekwojarjar. Ear bin air ukõt melelen vision in temple eo im keañ kake ellãlok jen an armij ro maroñ melele kake. Ri etale Bible ro jet rar bar bwok kin vision eo an Ezekiel kin temple eo an Jehovah. A ta kin kij?

² Jen ien eo ear bar jeblak kabuñ eo erreo, Jehovah ear kajerammõn armij ro an kin elõñ meram ko in jelãlokjen ilo jitõb, ekoba jelã eo kin ta eo ej temple eo an Anij ilo jitõb​—karõk eo an Jehovah im ej einwõt temple ñan kabuñ eo erreo.a Key in kin temple eo ilo jitõb ej jibañ kij kabellok melele eo elap melelen temple in vision eo an Ezekiel. Jen etale mõttan ko emen in vision in—temple eo, jerbal in priest eo, iroij eo, im eneo. Ta melelen men kein rainin?

Temple eo im Kwe

3. Ta eo jej katak kake jen bõrwoj eo eutiej im wijkinen ko rar kalek worwor eo ilo ialin deloñlok eo ñan temple eo?

³ Kalmenlokjen ñe jen kar baj etal ilo juõn ial ilo vision in temple in. Jej kebaklok im tallõñe jiljilimjuõn jikinuwe ko ñan juõn ian aor ko relap. Iloan jikin deloñlok in, jej reiliñlok im lelñoñ. Bõrwoj eo eutiejlok jen 100 ne! Ilo wãwen in rej kakememej kij bwe kien ko ñan deloñe karõk eo an Jehovah kin kabuñ reutiej. Meram eo jen window ko ej oktak im romelok worwor eo ej koiki room ko im wijkinen kein kõmman jen wijkinen wijki pam ko, me Jeje ko rej kajerbale ñan pijaik kwojarjar. (Psalm 92:12; Ezekiel 40:14, 16, 22, NW) Jikin in ekwojarjar ej ñan ro rej mour erreo im wãnik ilo jitõb. Ilo errã ibben menin, jej kõnan bed wõt im wãnik bwe kabuñ eo ad en emõn ibben Jehovah.​—Psalm 11:7.

4. Wõn ro rej bõprae air deloñ ñan temple eo, im ta eo menin ej katakin kij kake?

⁴ Ilo kajjojo rãjet in jikin etetal eo, ewõr jilu room ko an ri waj. Ri waj ro ren kõtlok ke ad deloñe loan temple eo? Jehovah ej jiroñ Ezekiel bwe ejelok ruwamaejet eo “ejjab mwijmwij ilo buruen” emaroñ deloñ. (Ezekiel 40:10; 44:9, NW) Ta melelen menin? Anij ej bõk einwõt ri kabuñ ro wõt rej yokwe kien ko an im mour ekkar ñani. (Jeremiah 4:4, NW; Dri Rom 2:29) E ej karuwaineneik rein ñan loan em nuknuk eo an ilo jitõb, imõn kabuñ eo imõn. (Sam 15:1-5) Jen ien eo ear bar jeblak kabuñ eo erreo ilo 1919, dolul eo an Jehovah ilal emwij kajutake im ej wõnmanlok ilo an kalikar kien erreo ko an. Ro rej makoko jen kõnan eo air make in bokake ejako air karuwaineneiktok ir ñan air koba ibben armij ro an. Rainin, manit eo ej bedbed ion Bible kin bukwelok ro rej kõmman bwid im jab ukwelok ej jerbal ñan kejbãrok kabuñ eo ad bwe en erreo im emõn.​—1 Dri Korint 5:13.

5. (a) Ta men ko enañin eierlok wõt juõn ear wõr ikõtan vision eo an Ezekiel im vision eo an John emwij jei ilo Reveles̃õn 7:9-15? (b) Ilo vision eo an Ezekiel, wõn ro rej pijaik ir ikijen bwij ko 12 rej kabuñ ilo melaj eo itunabõj?

⁵ Jikin etetal eo ebellok ñan tunabõj in melaj eo ijo armij ro rej kabuñ ie im wijtake Jehovah. Menin ej kakememej kij kin vision eo an ri jilek John kin “jar eo elap” im rej kabuñ ñan Jehovah “ran im boñ ilo temple eo an.” Wijki pam ko rej kwalok kaki ilo vision kein jimor. Ilo vision eo an Ezekiel rej kainõknõke ial in deloñ eo ilo worwor ko. Ilo vision eo an John ri kabuñ ro ewõr ran pam ko ilo peiir, menin kalikar air lañliñ ilo air wijtake Jehovah im karuwaineneiktok Jesus einwõt Kiiñ eo air. (Reveles̃õn 7:9-15) Ilo nan in kamelele eo ilo vision eo an Ezekiel, bwij ko 12 in Israel rej pijaiki “s̃ip ko jet.” (Jon 10:16, NW; keidi Luk 22:28-30, NW.) Kwe bareinwõt kwoj juõn ke ian ro rej lo lañliñ ilo wijtake Jehovah ilo keañ kin Ailiñ eo an?

6. Ta kar unin room in mõñã ko ilo melaj eo itunabõj, im jerammõn et eo menin emaroñ kakememej sheep ro jet?

⁶ Ke jej etal ilo ial in ad lok ñan tunabõj in melaj eo, jej lo 30 room in mõñã ko ijo armij ro rej bõk menin jortak ko air rej lilok. (Ezekiel 40:17, NW) Rainin, ro ilo sheep ko jet rejjab jortak kin katok in menin mour ko, ak rejjab itok ñan temple eo ilo jitõb ilo an jab wõr jabdewõt men ilo peiir. (Keidi Exodus 23:15.) Ri jilek Paul ear je: “Inem kin E [Jesus] jen katok ñõn Anij kin wijtak ien otemjej, eñin leen tier ko rej kwalok ñõn etan. A komin jab meloklok kin kõmõnmõn emõn im lelok ñõn ro jet bwe kin men in katok ko eirwõt Anij ej buñburuen.” (Dri Hibru 13:15, 16; Hosea 14:2, NW) Ej juõn jerammõn elap in lelok ñan Jehovah kain menin katok rot kein.​—Jabõn Kennan Ko 3:9, 27.

7. Ta eo joñok eo an temple eo ej kamol ñan kij kake?

⁷ Ezekiel ej lalelok ke juõn enjel ej joñe temple in ilo vision eo. (Ezekiel 40:3, NW) Ilo wãwen in lok wõt, rar jiroñlok ri jilek John: “Kwon jutak, im joñe tempel an Anij, im lokatok, im ro rej kabuñ ilo e.” (Reveles̃õn 11:1) Ta melelen joñok in? Ilo wãwen kein jimor alikar menin ej jerbal einwõt juõn jortoklik, juõn kakõlle bwe ejelok jabdewõt men emaroñ kabõjrak Jehovah jen an kajejjet kitien karõk ko an kin kabuñ erreo. Eindeinlok rainin, jemaroñ liki bwe ejelok jabdewõt men​—jab meñe jumae ko relej jen kien ko rekajur​—remaroñ kabõjrak jeblak eo an kabuñ eo erreo.

8. Wõn ro rej deloñe aor ko ñan loan melaj eo ituloa, im ta eo aor kein rej kakememej kij kake?

⁸ Ke jej kijone melaj eo itunabõj, jej lo bwe ewõr jilu aor ko rej tellok ñan loan melaj eo ituloa; aor ko ituloa rej lajrak ibben im joñan dettair wõt aor ko itulik. (Ezekiel 40:6, 20, 23, 24, 27, NW) Priest ro wõt remaroñ deloñ ilo melaj eo ituloa. Aor ko ituloa rej kakememej kij bwe ri kabit ro rej aikwij mour ekkar ñan karõk ko im kien ko rekwojarjar, ak ejja karõk kein im kien kein wõt rej tel Christian ro otemjej remol. Ak ta jerbal eo an priest ro, ibben ta melelen rainin?

Juõn Jerbal Tiljek an Priest

9, 10. Ewi wãwen “pris ro . . . rokwojarjar,” einwõt kar annañelok iman ikijen class in priest eo ilo vision eo an Ezekiel, rar letok katak ilo jitõb?

⁹ Ilo ien Christian ro jinoin, priest ro ear lap air jerbal ilo temple eo. Mõnmõn menin mour in katok ko, jortak kaki ion lokatok eo, im jerbal ñan priest ro mõttair im armij ro rar kõnan bwe en wõr air jerbal. Ak ebar wõr juõn air jerbal eo elap tokjen. Jehovah ear kaiñ priest ro: “Priest ro ren katakin armij ro droõ bwe ren jelã kajjen men ko rekwojarjar jen men ko rejjab, bareinwõt manit ko rerreo ilo kabuñ jen ko rejjab.”​—Ezekiel 44:23; Malachi 2:7, NW.

¹⁰ Kwoj kamolol ke kin jerbal eo elap im jerbal eo ettã me ri kabit ro einwõt juõn enbwin, “pris ro . . . rokwojarjar,” emwij kõmmane kin tokjen eo ñan kabuñ eo erreo? (1 Piter 2:9) Einwõt jerbal in priest eo an ri Livai ro etto, rej tel ilo lelok katak ilo jitõb, im jibañ armij ro ñan air melele ta eo erreo im emõn ilo mejen Anij im ta eo ejjab. (Matu 24:45) Katak rot in, ej itok ikijen book ko rej kõmmani im rej bedbed ion Bible eo im kwelok ko an Christian im convention ko, rej jibañ million armij ro ñan air reel ñan Anij.​—2 Dri Korint 5:20.

11. (a) Ewi wãwen an vision eo an Ezekiel kalikar aorõk in erreo ñan mõttan eo an priest ro? (b) Ilo ran ko eliktata, ewi wãwen an ri kabit ro karreo ilo juõn wãwen ilo jitõb?

¹¹ Bõtab, priest ro elõñlok men rar aikwij kõmmane jen baj katakin wõt ro jet bwe ren erreo; ir make rar aikwij erreo. Kin menin, Ezekiel ear lo lokiman juõn jerbal in kametaltõl ilo jerbal in priest eo an Israel. (Ezekiel 44:10-16, NW) Eindeinlok, bwebwenato eo ej kwalok bwe ilo 1918, Jehovah ear jijet “einwõt juõn ri kametaltõl” ilo temple eo an ilo jitõb, etale class in ri kabit eo an priest. (Malachi 3:1-5, NW) Ro rar einwõt erreo ilo jitõb ak ro rar ukwelok jen air kar etal ilo jerbal in ekjap mokta rar kõtlok air etal wõt ilo jerammõn in jerbal in temple eo an ilo jitõb. Ak, einwõt jabdewõt armij ro jet, kajjojo ri kabit ro rar maroñ oktak im jab erreo​—ilo mour in jitõb im kanniek. (Ezekiel 44:22, 25-27, NW) Rar aikwij kate ir jerbal ñan air bed wõt im “jab lipjinjin kin lal in.”​—Jemes 1:27; keidi Mark 7:20-23.

12. Etke jej aikwij kamolol kin jerbal eo an ri kabit ro?

¹² Kij kajjojo jemaroñ kajitõk, ‘Ij kamolol ke kin wanjoñok eo ri kabit ro rar karõke iumin yiõ ko relõñ ilo jerbal in tiljek eo air? Ij kajeoñe ke tõmak eo air?’ Ej juõn nan in kakabilek emõn ñan ro ilo jar eo elap ñan kememej bwe ri kabit ro rejamin bed ibbeir ien otemjej ijin ion lal. Kin priest ro ilo vision eo an Ezekiel, Jehovah ear ba: “Ejelok ãjinkij [in weto] kom armij ro komij aikwij lelok ñan ir ilo Israel: Ña Ij ãjinkij eo air.” (Ezekiel 44:28, NW.) Ilo wãwen in lok wõt, ri kabit ro ejelok jikiir eo ej indio ion lal. Ewõr juõn air jolet ilañ, im ro ilo jar eo elap rej lale einwõt juõn jerammõn ñan rejetak im kakajur ir ke rej bed wõt ijin ion lal.​—Matu 25:34-40; 1 Piter 1:3, 4.

Iroij eo​—Wõn E?

13, 14. (a) Etke iroij eo ej aikwij jen sheep ro jet? (b) Wõn ro iroij eo ej pijaiki ir?

¹³ Kiõ juõn kajitõk ekairujruj ej jarjar liñtak. Inem, wõn eo, iroij eo ej jutak ikijen? Ke rej jimor konono kake e einwõt juõn armij im einwõt juõn jar in armij, jemaroñ lemnak bwe e ej jutak ikijen juõn class in armij. (Ezekiel 44:3; 45:8, 9, NW) Ak wõn? Emol ejjab ri kabit ro. Ilo vision eo, ej jerbal im ebake jerbal in priest eo, ak e ejjab juõn iair. Ilo an jab einwõt class in priest eo, emwij lelok ñan e juõn jolet ilo eneo im kin menin ewõr juõn an ilju eo ijin ion lal, im jab ilo lañ. (Ezekiel 48:21, NW) Bareinwõt, Ezekiel 46:10 (NW) ej ba: “A kin iroij eo ibwiljiir, ñe ir [bwij ko rejjab priest] rej deloñtok [ñan melaj eo itunabõj in temple eo], e ej aikwij deloñtok; im ñe rej diojlok, e ej aikwij diojlok.” E ejjab deloñe melaj eo ituloa ak ej kabuñ ilo melaj eo itunabõj, deloñ im dioj jen temple eo ibben armij ro. Mol kein kar beeki rej likit iroij eo ibwiljin jar eo elap in sheep ro jet.

¹⁴ Alikar, iroij eo ewõr jet an eddo ko ibwiljin armij ro an Anij. Ilo tunabõj in melaj eo, ej jijet ilo ettõñak eo ilo Kejam eo Iturear. (Ezekiel 44:2, 3, NW) Menin enaj kar kalikar juõn jikin eo ñan an bed juõn boñ ie, einlok wõt eo an elder maan ro ilo Israel ro rar jijet ilo aor in jikin kwelok eo im kwalok jemlokin ekajet. (Rut 4:1-12; Jabõn Kennan Ko 22:22) Wõn ro ibwiljin sheep ro jet rej bed ilo office in jerbal in lolorjake ko rainin? Elder ro ibben juõn kejatdikdik ñan lale ro emwij an jitõb kwojarjar eo kãlet ir. (Jerbal 20:28) Inem class in iroij eo rej kiõ keboje ibben jerammõn eo ñan jerbal tokelik ilo juõn jerbal in lolorjake ilo lal eo ekãl.

15. (a) Ewi wãwen an vision eo an Ezekiel kameramram ion kadkad eo ikõtan elder ro rej jen jar eo elap im ri kabit ro ilo class in priest eo? (b) Ta tel eo elder ri kabit ro rar bõke ilo dolul eo an Anij ilal?

¹⁵ Ak, ta, kadkad eo rainin ikõtan class in priest ro ri kabit im maan ritto ro, me rej mõttan jar eo elap, im rej bõk jerbal in lolorjake? Vision eo an Ezekiel ej kwalok bwe elder ro rej uan jar eo elap ewõr juõn air jerbal in jurake im lolorjake, ke ri kabit ro rej bõk jerbal in tel ilo jitõb. Ewi wãwen? Kememej, priest ro ilo vision eo kar lelok ñan ir eddo eo ñan katakin armij ro men ko ilo jitõb. Rar bareinwõt jiroñ ir bwe ren jerbal einwõt ri ekajet ro ilo wãwen ko ekkar ñan jerbal in kien. Bareinwõt, ri Livai ro kar kabbe ir kin “jerbal in lolorjake” ilo kejam ko ilo temple eo. (Ezekiel 44:11, 23, 24, NW.) Alikar, iroij eo ear aikwij lelok e ñan jerbal ko ilo jitõb im jerbal in tel eo an priest ro. Inem, ejimwe, bwe ilo ien kein ri kabit ro rej bõk jerbal in tel ilo kabuñ eo erreo. Ñan wanjoñok, ro uan Governing Body eo an Ri Kennan ro an Jehovah emwij kãlet ir jen bwiljin ri kabit ro. Elder ri kabit rein retiljek emwij air katak im ejaake class in iroij eo iumin ebeben ko, keboj ro uan class in im rekkar mae ran eo ñe renaj ajelok aolepen joñan maroñ eo air ilo lal eo an Anij ekãl ej itok.

16. Ekkar ñan Aiseia 32:1, 2, ewi wãwen an aolep elder ro aikwij jerbal?

¹⁶ Kain ri bõk eddo rot rein rej uan, im rej bed ilo lain ñan kalaplok eddo ko air einwõt class in iroij? Kanan eo jej loe ilo Aiseia 32:1, 2 ej ba: “Lo, juõn kiñ e naj iroij ilo wãnik, im re naj iroij ilo ekajet jime. Im juõn eman e naj einwõt jikin tilekek jen kõto, im juõn ken tõrak jen lañ eo, einwõt river in dren ko ilo jikin e mõra, im einwõt lurin juõn dreka elap ilo juõn ene in mõk.” Kanan in ej jejjet kitien rainin einwõt Christian elder ro​—ri kabit ro im sheep ro jet​—rej jerbal ñan kejbãrok bwij eo jen kain ‘lañ’ rot kein einwõt matõrtõr im ebwer.

17. Ewi wãwen an Christian Shepherd ro lemnak kin ir make, im ewi wãwen an bwij eo aikwij lemnak kin ir?

¹⁷ Nan kein “prince” im “iroij,” ein meleleir lok wõt juõn ilo Hebrew, rejjab kajerbali einwõt title ko rej karõki ñan kautiej armij. Jen an eindein, rej kwalok kin eddo eo maan rein rej bõke ilo air kejbãrok sheep ro an Anij. Jehovah ej kakkõl: “Menin ebwe ñan kom, O iroij ro in Israel! Kamakit kowadoñ im menin kokkure, im kõmman ekajet jimwe im wãnik ko make.” (Ezekiel 45:9, NW.) Emõn ñan aolep elder ro rainin bwe ren bõk nan in kakabilek rot in ñan burueir. (1 Piter 5:2, 3) Bwij eo, ilo oktan, ej kile bwe Jesus emwij an letok shepherd ro einwõt “menin letok ilo armij.” (Ephesians 4:8, NW.) Kadkadiir emwij likiti ilo Nan in kakõrmol eo an Anij. (1 Timote 3:1-7; Taitõs 1:5-9) Kin menin Christian ro rej anõk tel eo an elder ro.​—Hebrews 13:7, NW.

18. Ta jet ian eddo ko an class in iroij eo kiõ, im ta naj eddo eo an ilo ilju eo ej itok?

¹⁸ Ilo ien Bible ko jet iroij ear lap air maroñ, ro jet edik. Rainin, elder ro an jar eo elap elõñ kajjo kain eddo ko air elap belakiir. Jet rej jerbal ilo juõn congregation; ro jet rej jerbal ilo elõñ congregation ko einwõt traveling overseer ro; ro jet rej jerbal ilo aolepen ailiñ ko einwõt ro uan Branch Committee eo; ro jet rej jibañ elõñ committee ko an Governing Body eo. Ilo lal eo ekãl, Jesus enaj kãlet “iroij [ro] i aolepen lõl” ñan tel ibwiljin ri kabuñ ro an Jehovah ion lal. (Sam 45:16) Ejelok bere e naj kãlet elõñ jen ian ro ibwiljin elder ro retiljek rainin. Kinke maan rein rej make kamol ir kiõ, e naj kãlet ñan an liki elõñ kin elõñ jerammõn ko relaplok ilo ien ko rej itok ñe ej kalikar jerbal eo an class in iroij ro ilo lal eo ekãl.

Eneo Enen Armij ro an Anij Rainin

19. Ta eo eneo ilo vision eo an Ezekiel ej jutak ikijen?

¹⁹ Vision eo an Ezekiel ej bareinwõt pijaiklok wãwen bar kajeblaklok eneo enen Israel. Ta eo menin ilo vision in ej jutak ikijen? Kanan ko jet kin kajeblaklok eo rar kwalok lok iman bwe eneo, Israel, enaj kar juõn paradise einwõt Eden. (Ezekiel 36:34, 35, NW) Rainin, jej lañliñ kin juõn “eneo” eo emwij an jeblak, im bareinwõt ej, ilo juõn wãwen einlok wõt Eden. Ilo juõn wãwen eo einlok wõt, ekkã ad kõnan konono kin paradise eo ad ilo jitõb. Imõniaroñroñ eo ej kamelele kin “eneo” ened einwõt “ijo jikin makitkit” an armij ro an Anij emwij kãlet ir.b Jabdewõt ijo juõn ri karejaran Jehovah emaroñ bed ie, ej bed ilo eneo emwij an jeblak toanwõt an jibadbad in debij wõt kabuñ eo emol ilo an etetal ilo jenkwon neen Christ Jesus.​—1 Piter 2:21.

20. Ta nan in kaiñi eo jemaroñ katak jene kin “kakunana eo ekwojarjar” ilo vision eo an Ezekiel, im ewi wãwen ad maroñ jerbale nan in kaiñi in?

²⁰ A ta kin mõttan eneo naetan “kakunana (jabawõt) eo ekwojarjar”? Menin kar jabawõt eo an armij ro ñan jurake jerbal in priest eo im jikin kwelok eo. Eindeinlok, “armij ro otemjej in eneo” rar jabawõt kin juõn mõttan eneo ñan iroij eo. Ta melelen menin rainin? Bwebõta, ejjab, bwe armij ro an Anij rej aikwij inene kin juõn wõnãn ñan class eo an ri kaki. (2 Dri Tessalonika 3:8) Ak, jurake eo rej lelok ñan elder ro elaptata ej men eo ilo jitõb. Ekoba jibañ ilo jerbal eo rej kõmmane kiõ im kwalok juõn jitõbõn karejar, im lelok ilo jitõb. Ak, einwõt ilo ran ko an Ezekiel, jabawõt in ej kõmman “ñan Jehovah,” im jab ñan jabdewõt armij.​—Ezekiel 45:1, 7, 16, NW.

21. Ta eo jemaroñ katak jene kin ajej eo an eneo ilo vision eo an Ezekiel?

²¹ Ejjab iroij eo wõt im ro ilo jerbal in priest eo emwij lelok jikin ko ñan ir ilo ene in emwij an jeblak. Ajej eo an ene in ej kwalok bwe kajjojo bwij ko 12 ewõr juõn air jolet. (Ezekiel 47:13, 22, 23, NW) Inem ro ilo jar eo elap ejjab wõr wõt juõn jikiir ilo paradise eo ilo jitõb rainin ak renaj bareinwõt bõk juõn jerbal in eneo ñe rej jolete juõn jikin ilo melan lal in an Ailiñ eo an Anij.

22. (a) Jikin kwelok eo ilo vision eo an Ezekiel ej jutak ikijen ta? (b) Ta eo jemaroñ katak jene kin an wõr an jikin kwelok eo aor ko ilo aolepen kõjan ko an?

²² Eliktata, ta eo jikin kwelok eo ilo vision eo ej jutak kake? Ejjab juõn jikin kwelok ilo lañ, bwe ej bed ibwiljin eneo “ejjab kwojarjar.” (Ezekiel 48:15-17, NW) Inem ej aikwij juõn men eo ijin ion lal. Eokwe, ta eo ej juõn jikin kwelok? Ejjab kalikar lemnak in ke kin armij ro rej kuktok ibben don einwõt juõn kumi im ejaake juõn menin ekkal im karõke? Aet. Eindein, jikin kwelok eo ej waloktok ñan pijaiki jerbal in tel eo ijin ion lal im ej kajerammõn ro otemjej renaj ejaake jukjuk im bed eo ewãnik ilal. Enaj jerbal ilo an likieo ilo “lal eo ekãl” ej itok.” (2 Piter 3:13) Aor ko an jikin kwelok eo rej kejabe aolepen kõjan, juõn ñan juõn bwij, menin ej kalikar emõn in bellok eo. Rainin, armij ro an Anij rejjab bed iumin jet menin ittino, jerbal in lolorjake ilo ittino. Brother ro rej bõk eddo ebidodo kebak ir; nan in kaiñi ko rej tel ir emõn an aolep jelã kaki. Ke mol eo in bwe armij ro jen bwij ko otemjej rej kalbwin eneo ej jurake jikin kwelok eo menin ej kakememej kij bwe rejetak eo an sheep ro jet, meñe ilo juõn wãwen mweiuk, karõk ko ikijen jerbal in lolorjake eo kar kõmmani ñan armij ro an Anij ibelakin lal.​—Ezekiel 48:19, 30-34, NW.

23. Ta eo jenaj etale ilo katak in tok ilokan?

²³ Inem, ta, kin river eo ej torlok jen temple eo ekwojarjar? Ta eo menin ej jutak ikijen rainin im manlok ñan ilju eo ej itok eñin naj unintel eo kein kajilu im bwebwenato eo eliktata ilo lajrak in.

[Kamelele ko itulal]

Point ko ñan Elij

◻ Ta eo temple eo ilo vision eo an Ezekiel ej pijaiki?

◻ Wõn ro priest ro rej jerbal ñane ilo picture in temple eo?

◻ Ta eo class in iroij eo, im ta jet ian eddo ko an?

◻ Ta eneo ilo vision eo an Ezekiel, im ilo wãwen et eo ej ajej ñan bwij ko 12?

◻ Ta eo jikin kwelok eo ej pijaiki?

[Pija/​Mab eo ilo peij 13]

(Ñan lale pija eo, jouj im lale ilo bok eo)

Ajej eo an eneo einwõt an alikar ilo vision eo an Ezekiel

JOÑOUL RUO BWIJ KO

Lomalo Eo Elap

Lomalo in Galilee

Jordan River

Lomalo Salt

DAN

ASHER

NAPHTALI

MANASSEH

EPHRAIM

REUBEN

JUDAH

THE CHIEFTAIN

BENJAMIN

SIMEON

ISSACHAR

ZEBULUN

GAD

[Pija]

LAPLOK EO AN KAKUNANA KWOJARJAR EO

A. “Jehovah Emake Ewõr Ke” (Jehovah-Shammah); B. jikin kwelok eo ekouwa

Mõttan eo an ri Livai ro

Kwojarjar eo an Jehovah

Mõttan eo an Priest ro

B A B