Box In Kajitõk
◼ Ewi toan ad aikwij katak Bible ibben juõn armij ilo Knowledge book eo?
Jehovah ej kajerammõn dolul eo an rainin. Jej lo kein kamol kin men in kajjojo yiõ ke thousand ro rekãl rej jutak kin mol eo. Knowledge book eo ej juõn kein jerbal ekeie ñan kõtõbrak men in. July 1, 1996, magazine in Imõniaroñroñ (January 15, 1996, The Watchtower ilo kajin English) ear kalikar bwe book in kar eiki ñan jibañ juõn ri katak Bible ñan kõmman wõnmanlok ilo mõkaj, bõlen ñan baptais iloan jet wõt alliñ ko.
Kin un in, ejja Imõniaroñroñ eo wõt, peij 11 (peij 17 ilo The Watchtower), ear rejañ: “Elikin an juõn armij kamwije katak eo an kin Bible eo ilo book eo Knowledge (Jelalokjen) im baptais, jejjab aikwij wõnmanlok im katak ibben ilo book eo kein karuo.”
Ta kin juõn armij eo ear jab baptais elikin an kamwije an katak ilo Knowledge book eo? May 1999 Ad Jerbal Ñan Ailiñ Eo, peij 6, paragraph 23, ear kakememej kij kin point eo kar kõmmane ilo Imõniaroñroñ eo ikijen ad jab katak ibben ejja ri katak eo wõt ilo bar juõn book elikin an dedelok an katak Knowledge book eo. Ej melelen ke men in bwe jejjab itoklimo in jibañ juõn ri katak Bible jen joñan eo im manlok? Jaab. Jekõnan bwe armij ren jelã kin irinekatak ko kin mol eo. Ak, jej kõtmene bwe iloan wõt juõn ien ekadu, juõn ri katakin ebolemen emaroñ jibañ juõn ri katak emol buruen bwe en bwe an bõk jelãlokjen eo ej aikwiji ñan kõmman juõn bebe emeletlet ñan karejar ñan Jehovah. Emaroñ bwe kin wãwen ko ibbeir make, jet ri katak Bible renaj kõnan katak elõñlok jen juõn alen ilo juõn week.
Emol, jet ri katak enaj rumij lok air wõnmanlok jen ro jet. Ak elañe elikin air katak Knowledge book eo, eo emaroñ aetoklok an bõk ien jen kar karõke, armij eo ejañin bebe bwe ekõnan koba ibben congregation eo, ri kwalok eo en bwebwenato kin wãwen in ibben juõn ian elder ro ilo Congregation Service Committee eo. Elañe ewõr wãwen ko einjuõn ibben, emaroñ wõr unin ñan lelok jibañ ko jet. Men in ej errã ibben kakabilek eo rej kwalok kake ilo paragraph 11 im 12 ilo peij 11 ilo July 1, 1996, Imõniaroñroñ (peij 17 ilo January 15, 1996, Watchtower).
Kamolol meñe kin irinekatak ko kin mol eo en kar kamakit ri katak eo ñan bed ilo kwelok ko an Christian. Men in emaroñ tel ri katak eo ñan kwalok ilo alikar kõnan eo an ñan karejar ñan Jehovah. Elañe kamolol kin men ko lor jitõb ejjab alikar elikin an katak Knowledge book eo iumin juõn ien ebwe an aetok, emaroñ juõn men emõn ñan kabõjrak katak eo.