Kadeloñ Etad ilo Theocratic Ministry School
1 Theocratic Ministry School ear lap tokjen in kamineneik elõñ million Ri Kennan ro an Jehovah einwõt ri jerbal ro kin news eo emõn. Elõñ iad jej kememej kin ewi joñan eo jaar mijak im eñjake maroñ in jab bwe eo ad ke jar jino kadeloñ etad ilo school in, im kiõ jej kamol ilo kamolol kin jerbal eo an ilo eddeklok eo ad ilo jitõb einwõt ri konono im ri kaki ro kin Nan eo an Anij. (Keiri Jerbal 4:13.) Kwar kadeloñ ke etõm ilo school in ekabwilõñlõñ?
2 Wõn ro remaroñ kadeloñ etair? Peij 73 ilo book eo Organized to Accomplish Our Ministry ej uak: “Aolep ro rej bõk kwunair ilo air kamao ibben congregation eo remaroñ kadeloñ etair, ekoba armij ro rekãl rej bed ilo kwelok ko, elañe rejjab mour ilo juõn wãwen ej nae nan in kakabilek in Christian ko.” Kimij kirtok aolep ro rej tellokiir—maan, kõrã, im ajiri—ñõn kebak school overseer eo im kajitõk bwe en kadeloñ etõm.
3 Program in School eo ñõn 1997: Program in Theocratic Ministry School eo ñõn 1997 ej kitibuj elõñ kain katak in Bible ko im armij ro, im bareinwõt bwebwenato in dolul eo. Ijellokin an kaddeklok maroñ in konono im katakin ko ad, jej katak jen elõñ men ko reaorõk ilo jitõb me jej loi ilo men ko jej katak kaki ilo kajojo week. (Jabõn Kennan 9:9) Elañe jej kabojak kin school eo, eo ej koba ad konono Bible ilo kajojo week, im ej keini ad kwelok, jemaroñ bõk elap tokjen ko ilo jitõb jen program in.
4 Ilo 1997 elõñ wõt ian konono Bible ko ñõn Katak No. 2 rej karulok jen ilo yiõ ko remotlok. Ñe ej kabojak kin katak in, ri school eo en lukkun lale ewi joñan aetokin an konono inem bebe kin ewi joñan eo kin lalim minute ko rej kõtloke kin mõttan eo an emaroñ kajerbale kin nan in jino im nan in kejemlok eo. Men in enaj kõtlok bwe ri school eo en kortokjen aolep ien ko an im ñõn kaddeklok maroñ in konono eo an im kilen konono ilo ejelok kabojak lok iman jimor.—1 Tim. 4:13.
5 Kwalok nan ilo jabdewõt ien emõn tok emaroñ bar juõn setting kin ennan ko ñõn Katak No. 3, eo ej wawa ion book in Knowledge (Jelalokjen). Kin men in, juõn sister emaroñ kãlet juõn bar jeblak, juõn katak kin Bible ilo mweo, ak kwalok nan ilo jabdewõt ien emõn tok einwõt setting eo kin katak in. Mekarta, men eo rej aikwij wõnmanlok im kalikare ej kin bolemen an katakin im jab kin setting eo.
6 Jekdon ewor jerammõn eo ñõn kwalok instruction talk eo, kwalok point ko relap ilo Bible, ak juõn student talk, kwomaroñ kwalok am kamolol kin Theocratic Ministry School eo ilo am kabokjak lok iman im emõn am kamelmel katak eo, ilo am kwaloke kin liki im kijejeto, jab le jen minute ko am, ilo am roñjake im jerbale nan in kakabilek eo jen school overseer eo, im ilo am tiljek in kajejjet katak eo am ien otemjej. Ilo wãwen in am kadeloñ etõm ilo school eo enaj juõn jerammõn ñõn kwe im aolep ri kwelok ro jimor.