Juõn School Eo Ej Keboj Kij ñan Makitkit ko Raorõktata ilo Mour
1 Armij rej etal ñan school ñan bõk nan in katak ko me renaj jibañ ir kõtõbrak mejenkajjik ko air ilo mour. Bõtab, mejenkajjik ta eo emaroñ laplok an aorõk jen ad kaibujuij eo ej Ri Letok mour im jibañ ro jet ñan katak kin karõk im wãwen ko an? Ejelok. Mejenkajjik eo an Theocratic Ministry School eo ej ñan keboj kij ñan katakin ro jet kin tõmak eo ad. Kin men in, ke jej bed ilo school eo kajjojo week, jej bõk kabel ko me rej keboj kij ñan makitkit ko raorõktata ilo mour.
2 Kar letok “Schedule in Theocratic Ministry School ñan 2003” ilo copy in Ad Jerbal Ñan Ailiñ Eo ilo alliñ eo lok. Ewõr ilo schedule eo tibdik in kamelele ko ikijen ewi wãwen renaj kõmmane school eo. Kwomaroñ lo bwe ewõr tokjen ñan am likit copy in schedule eo am ilo Benefit From Theocratic Ministry School Education, eo kwoj aikwij bõktoke ibbam ñan Theocratic Ministry School eo kajjojo week. Lemnak kin jet ian wãwen ko relap ilo Theocratic Ministry School ñan 2003.
3 Kilen Konono: Jinoe ilo January, kajjojo kwelok in Theocratic Ministry School enaj jino kin juõn katak lalem minute aetokin kin juõn kilen konono ak juõn wãwen read, katak, ak katakin. School overseer eo enaj kwalok katak kein, ak emaroñ jitõñ bar juõn elder eo ewõr an maroñ ñan kwalok katak in. Ri konono eo emaroñ kwalok kin melele eo im aorõkin kilen konono eo. Inem en kalaplok an kamelele kin katak eo ilo an konono kin wanjoñok ko ilo Bible eo im kwalok kin wãwen eo ñan jerbale kilen konono eo, im lukkun kalikar ewi wãwen jenaj maroñ kakõmanmanlok jerbal in kwalok nan eo ad ilo ad kõmmane.
4 Katak No. 1: Rej bar kakememej brother ro kar jitõñ ir ñan kwalok Katak No. 1 ñan “kwalok kin wãwen eo ej jerbal ñan kij.” Melelen men in bwe ren kwalok ñan congregation eo kilen air kortokjen kamelele eo. Elañe kwoj bõk katak in, lale peij 48-9 ilo Ministry School book eo kin nan in rejañ ko kin kilen kebojak, im etale katak ko rej jitõñlok ñani ilo index eo ilo book eo iumin “Practical application (Jerbale ilo keie).”
5 Schedule in Read Bible: Elañe, ilo ien ko remotlok, kwar jab maroñ lor schedule in read Bible eo kajjojo week, etke kwojjab bebe ñan lor schedule eo ilo yiõ in? Ro rej kõmmane renaj maroñ kadedelok air read Jeje ko an Christian ilo Kajin Greek ilo jemlokin yiõ in. Tokjen ko kin am jino juõn program in read Bible ilo Jeje ko an Christian ilo Kajin Greek rej etale kaki ilo peij 10, paragraph 4, ilo Ministry School book eo.
6 Point ko Relap Jen Read Bible: Rar kaetoklok mõttan in program eo ñan joñoul minute bwe ri kwelok ro ren maroñ kwalok uak ko kin katak ko kar jitõñi ñan read ilo week eo. Ro rej bõk katak in ren jab le jen ien eo kar karõke ñan ir. Renaj kwalok katak in kajjojo week, ekoba week in elij ilo konono eo. Ke kwoj read katak ko kar jitõñe ñan read, kabukõt point ko me kwonaj bõk tokjen jen i ilo ien katak in family eo am, ilo jerbal in kwalok nan, ak ilo wãwen am mour. Kadkad ta ko kadkadin Jehovah rej alikar ilo jerbal ko an ibben armij ro im ailiñ ko? Ta eo kwar katak me ear kakajurlok tõmak eo am im kalaplok kamolol eo am ñan Jehovah? Kwon bojak in uak kin jabdewõt point ko ilo katak ko kar karõki ñan ad read, meñe jen eon ko jenaj read ilo Katak No. 2, kinke brother eo enaj read ejamin kwalok jabdewõt nan kin eon kein.
7 Katak No. 2: Ri school eo moktata ilo kajjojo week enaj kõmman juõn kaminene in read ilobwilij. Ilo aolep katak ko ijellokin read eo eliktata ilo kajjojo alliñ renaj itok jen schedule in read Bible ilo week eo. Read eo eliktata ilo alliñ eo enaj itok jen Imõniaroñroñ eo. Ri school eo en read katak eo kar karõke ñan e ilo an jab kwalok juõn nan in kabellok ak juõn nan in kajemlok. Ilo wãwen in, enaj maroñ lukkun lale kabel in read ko an.—1 Tim. 4:13.
8 Katak No. 3 im No. 4: Jet ian katak kein enaj lap air walok tok jen book in Reasoning (Kõmmanwa) jen ko jet; jet ewõr juõn unin tel wõt. Ro rej bõk katak ko me jidik wõt kamelele ko ie ak ewõr juõn unin tel wõt enaj wõr juõn ien emõn ñan kõmman katak ko air ilo air kõmman research ilo book in Christian ko ad. Men in emaroñ kõmman bwe en bidodo lok an sister ro ejaake nan ko air bwe en jejjet ñan ri jibañ ro air.
9 Setting: Einwõt ej kalikare ilo peij 45 ilo Ministry School book eo, school overseer eo emaroñ karõk juõn setting. Elañe ejjab kõmmane, inem sister ro remaroñ kãlet juõn setting jen lajrak eo ej walok ilo peij 82. Elañe juõn sister ej kwalok juõn katak elikin ruo alliñ, inem setting ko 30 renaj bwe ñan lalem yiõ ko. Sister ro me rej kãlet No. 30, melelen, “Bar juõn setting ekkar ñan bukwon eo am,” en je setting eo itu-lal in ak ilikin assignment slip (S-89) eo air. School overseer eo enaj je ran in katak eo an ri school eo ilo peij 82 ilo book eo an iturin setting eo ear kajerbale. Emaroñ kõmmane men in ilo ejja ien eo wõt ej kakõlleik counsel form eo an ri school eo.
10 Counsel Form eo: Counsel form eo ej bed ilo book eo am. Ej walok ilo peij 79-81. Kin men in, kwonaj aikwij lelok book eo am ñan school overseer eo elikin kajjojo katak kwoj kwaloke. School overseer eo ej aikwij kejbãrok juõn record kin counsel point ko ri school eo ej jerbale.
11 Elij ilo Konono: Elij in Theocratic Ministry School eo renaj kõmmane ilo konono. Enaj walok juõn alen elikin ruo alliñ im enaj iumin 30 minute ko. Kajitõk ko renaj etale ilo ien elij eo renaj walok ilo Ad Jerbal Ñan Ailiñ Eo. Elañe week in elij eo ej jejjet ñan week eo enaj walok circuit assembly eo ak lotok eo an circuit overseer eo, inem katak ko ilo week eo tok juõn ren walok juõn week mõkajlok im ien elij eo ren ukõte ñan week eo tok juõn.
12 Class ko Jet: Ilo congregation ko me school eo ewõr 50 ak elõñlok etan armij ro ie, elder ro remaroñ kajerbal class ko jet. “Karõk in remaroñ kajerbale ñan aolep katak ko an ri school ro ak ñan katak ko ruo eliktata (katak 3 im 4).” (Ministry School, p. 285) Nan in rejañ eo kein karuo rej kõmmane ñan congregation ko ijo elõñ sister ro ie ak jejjo wõt brother ro ñan lale katak in read ko. Elder ro ren kãlet brother ro ewõr air maroñ ñan lale class kein.
13 Ri Kakabilek Ri Jibañ: Einwõt ej kalikar kake ilo schedule in Theocratic Ministry School eo, kumi in elder ro ren jitõñ juõn ri kakabilek ri jibañ ñan lelok kakabilek ñan elder ro im ministerial servant ro me rej kwalok point ko relap ilo read Bible im katak eo kein kajuõn. Brother eo rej jitõñe ñan kõmman men in en wõr an iminene, juõn armij me elder ro jet renaj kautiej kakabilek eo an. Kakabilek eo an en keie, nebar kõl ko remõn ñan konono im katakin im kwalok juõn ak ruo kõl ko kilen kakõmanmanlok. Ejelok aikwij ñan lelok kakabilek elikin kajjojo katak an juõn brother eo emakijkij an kõmman katak. Bõtab, brother eo rej jitõñ e bwe en lelok kakabilek en kwalok lolokjen im melele bwe brother ro rej kwalok public talk kiõ remaroñ bareinwõt bõk jibañ ñan kõmman wõnmanlok.—1 Tim. 4:15.
14 Ta eo Ren Roñjake Kake: Ta eo emaroñ jibañ juõn ri kakabilek ñan etale juõn katak? Box eo kein kajilu ilo enañin aolep katak ko 53 rej kõlajraki ilo Ministry School book eo ewõr juõn kamelele ekadu kin ta eo ren roñjake kake. School overseer eo en bareinwõt lale nan in kakememej im nan in rejañ ko jet ilo book eo me renaj jibañ e ñan etale ilo mõkaj emõnin wãwen air ejaake im an bolemen wãwen air kwalok katak eo. Ñan wanjoñok, lale lajrak in kajitõk ko rej walok itu-lõñ in peij 55 im lemnak ko ilo paragraph eo eliktata ilo peij 163.
15 Kanne Line ko Ejelok Kobbair: Ibben men in debakbak in tõrerein ko, Ministry School book eo ewõr line ko ejelok kobbair ijo kwomaroñ je note ko ie ñe kwoj katak ibbam make im ñe kwoj bed ilo Theocratic Ministry School eo. (Lale peij 77, 92, 165, 243, 246, im 250.) Kwon jab meloklok in bõktok book eo am kajjojo week. Lale book eo ñe rej kwalok katak eo mokta. En bellok wõt book eo am ñan jemlokin school eo. Lale nan in rejañ ko me school overseer eo ej kwaloki. Lale wãwen kilen ko ñan katakin, kajitõk ko, wanjoñok ko, nan in kõkkar ko, pija ko, men ko kwomaroñ loi, im men ko rej keidi me ri konono ro rej kajerbali. Ilo am jeje note ko remõn, kwonaj maroñ kememej im kajerbal elõñ point ko remõn kwar bõki jen school eo.
16 Jesus Christ ear jelã bwe jerbal in kwalok nan kin news eo emõn kin Ailiñ in Anij ej jerammõn eo elaptata jabdewõt armij emaroñ bõke. Kar jerbal eo an elaptata. (Mark 1:38) Ear ba: “In kwalok nan emõn an ailiñ in Anij ñõn jikin kwelok ko jet; bwe ar jilkintok Iõ kin men in.” (Luk 4:43) Einwõt ro rar bõk nan in kir eo ñan lor e, kij bareinwõt je boub in kwalok kin news eo emõn, im ien otemjej jej kate kij ñan kakõmanmanlok emõnin “wijtak” eo ad. (Hib. 13:15) Ñan kõtõbrak mejenkajjik in, jen bebe ilo buruõd ñan keini ad bõk kunad ilo Theocratic Ministry School eo, juõn school eo enaj jibañ ñan keboj kij ñan makitkit ko raorõktata ilo mour.