Theocratic Ministry School eo ñan 2004
1 Jehovah ej kamaroñ armij ro rettã ñan kõtõbrak jerbal eo eaorõk ibelakin lal. Juõn wãwen ej kõmmane men in ej ikijen kaminene eo ej walok kajjojo week ilo Theocratic Ministry School eo. Kwoj bõk kunam ke joñan wõt am maroñ? Ilo January jejjo oktak ko renaj walok kin mejenkajjik eo ñan jibañ ri school ro bõk tokjen eo elaptata jen karõk kein.
2 Ukoktak in Ri Kakabilek Ri Jibañ eo: Brother ro me rej kwalok katak number 1 im point ko relap jen read Bible rar kamolol kin jibañ ko ri kakabilek ri jibañ eo ear lilok ñan ir. Ilo congregation ko ebwe an lõñ elder ro ie me ewõr air maroñ, jerbal in ri kakabilek ri jibañ remaroñ jeniji kajjojo yiõ. Ilo wãwen in, kajjojo emaroñ wõr kunair ilo eddo in; ak elaplok an aorõk, elder ro im ministerial servant ro ewõr air maroñ renaj bõk tokjen jen iminene ko an elõñ ri konono im ri katakin ro.
3 Karõke Elij in Konono eo: Elañe ewõr an congregation eo am juõn circuit assembly ilo week in elij eo, inem elij eo (im katak ko jet ilo week eo) ren lemanlok juõn week im schedule eo ilo week eo tok juõn ren kajerbale ilo week an circuit assembly eo. Bõtab, ejjab juõn men in aikwij ñan jeniji ruo schedule ko ñe elij eo ej walok ilo ien lotok eo an circuit overseer eo. Jen an eindein, al eo, katak kin kilen konono eo, im point ko relap jen read Bible renaj kwaloki einwõt kar karõki. Katak number juõn (eo rej kwaloke elikin katak in kilen konono eo) ren bõke jen schedule eo ilo week eo tok juõn. Elikin point ko relap jen read Bible enaj walok Service Meeting eo iumin jimettan awa, eo remaroñ kõlajrake bwe en wõr jilu katak ko 10 minute aetokiir ak ruo katak ko 15 minute aetokiir. (Ren jab kwalok nan in kejelã ko.) Elikin Service Meeting eo jenaj al im enaj walok juõn program an circuit overseer eo iumin jimettan awa. Schedule in Theocratic Ministry School eo ñan week eo tok juõn enaj jinoe kin katak eo kin kilen konono im point ko relap jen read Bible einwõt kar karõke, im tokelik kin elij ilo konono eo.
4 Kortokjen kajjojo ien kein remõn ñan eddeklok ilo jitõb. Ke kwoj bõk tokjen jen Theocratic Ministry School education eo am, kwoj kõketak congregation eo, ewõr ijo kunam ilo jejjet in kitien kanan eo ilo Bible, im kwoj bõktok nebar ñan Eo ej Unjen ennan eo eaibujuij jej aikwij keañ kake.—Ais. 32:3, 4; Rev. 9:19.