Lajrõk Eo Ekãl Kin Kwelok Ko An Congregation
1, 2. Ta oktak ko renaj walok ñõn kwelok ko jen Jãnwõde 2009 manlok?
1 Kar roñ kin juõn kejelã ekaitoktoklimo ear walok ilo kar wik eo Eprõl 21-27, 2008. “Jino jen Jãnwõde 1, 2009, naj kõmõne Kwelok in Buk Study ilo ejja ien eo wõt rej kõmõne Jikuul in Kwalok Nan eo an Kristian (Theocratic Ministry School) im Service Meeting eo. Naj ukot ãt eo kar mokta Book Study ñõn Katak Baibel An Congregation” (Congregation Bible Study).
2 Lajrõk ñõn Kwelok Ko ilo Kajuju Wik: Aolepen auõ in kwelok in ekitibuj al im jar enaj 1 auõ im 45 minit. Kwelok eo enaj jino kin al im jar (5 min.), im elikin, naj Katak Baibel An Congregation (25 min.). Jikuul in Kwalok Nan eo an Kristian (30 min.) enaj walok elikin. Inem, naj al (5 min.) im kwalok Service Meeting eo (35 min.). Kajemlok kwelok eo kin al im jar (5 min.). Ñõn jibõñ kij kapojõk kin kwelok in Katak Baibel An Congregation, Jikuul in Kwalok Nan eo an Kristian, im Service Meeting eo, lajrõkiir enaj walok ilo Ad Jerbal Ñan Ailiñ Eo, kajuju alliñ.
3. Ewi wãwen naj kõmõne kwelok in, Katak Baibel An Congregation eo?
3 Katak Baibel An Congregation: Naj kõmõne kwelok in ilo ejja wãwen eo jej kõmõne Katak in Imõniaroñroñ eo. Jejjab aikwij elij kin katak eo jaar etale moktalok. Bareinwõt, jej aikwij kõmõne nan in ijjino eo ñõn katak in ilo tukaru. Men in enaj kõmõn bwe en or ien ñõn an aolep kwalok uak ko air ilo tukaru. Presiding Overseer eo enaj bõk erron kãlet elder ro ñõn bõk kunair kwalok kwelok in kajuju wik.
4. Ilo wãwen it eo kwelok in Service Meeting enaj oktak?
4 Service Meeting: Enaj ejelok oktak ñõn kwelok in Service Meeting, bõtab, enaj karulok jen mokta, im naj kõmõne Nan in Kejelã ko iomin lailim wõt minit. Aitokin minit kein enaj bwe ñõn kwalok kejelã ko raurõk im letter ko jet jen ra eo. Nan in kejelã kein einwõt, karõk ko kin kwalok nan, karreo, oran jããn an congregation eo im letter ko ekkã air itok jen ra eo, men kein rejjab aikwij kejelã kaki ijo ituman, ak renaj ber ilo jikin lale melele ko ak board in kejelã eo. Ro me eor kunair ilo Service Meeting, rej aikwij kapojõklok iman ilo bolemen, lore nan in tel ko emwij keboji im ren kajijet ien eo emwij karõke.
5. Ilo wik in lotok eo an circuit overseer eo, enaj ta lajrõk in kwelok ko?
5 Lotok An Circuit Overseer Eo: En jab oktak lajrõk in lotok eo an circuit overseer eo. Naj kõmõne Jikuul in Kwalok Nan eo an Kristian im Service Meeting eo ilo Juje. Elikin al, circuit overseer eo enaj kwalok katak eo an iomin 30-minit. Einwõt kar mokta ilo ien lotok eo an, aikwij kãlet juõn ran ilo jota ñõn kõmõne Katak Baibel An Congregation im elikin al, circuit overseer eo enaj kwalok katak eo an. Kajemlok kwelok eo kin al im jar.
6. Ta jerbal eo an elder ro rej lale dri kwalok nan ro?
6 Kwelok Ko kin Kwalok Nan: Kumi in elder ro renaj kãlet overseer ro me renaj lolorjake jerbal in kwalok nan ñõn kumi ko kajuju im lolok im lale aikwij ko an dri kwalok ro. Elañe jej aikwiji juõn ministerial servant bwe en tel jerbal in, naj naetan “dri jibõñ an elder ro lale dri kwalok nan ro.”
7. Ta eo jej kõtmene kake jen lajrõk in ekãl kin kwelok ko ar?
7 Ealikar ikijen lajrõk in ekãl kin kwelok ko ar kajuju wik, enaj juõn ien ñõn lõñliñ kin kwelok kein rekõketak. Men in enaj kamaroñ kij bwe jen bolemen ilo jerbal in kwalok nan im katakin armij.—Ep. 4:13, 14; 2 Tim. 3:17.
8. Ewi wãwen kapojõklok iman enaj or tokjen ñõn kij im ro jet?
8 Kapojõklok iman kin kwelok kein enaj jibõñ kij ñõn lukkun melele kin katak ko kajuju rej kwaloki ilo ien kwelok. Ebellok ien ñõn kij aolep ñõn ar bõk kunad ilo uak im kõkãtok dron. (Rom. 1:11, 12; Hib. 10:24) Mejenkajik eo ar ej bwe ar “wõnmanlok en alikar” ikijen an ‘jimewõt ar katakin kin nan in mol.’—1 Tim. 4:15; 2 Tim. 2:15.
9. Ta bebe eo ar kin lajrõk in ekãl, im etke?
9 Elap ar mõnõnõ kake lajrõk in ekãl kin kwelok ko ar. Jen aolep kate kij ñõn jerbali nan in tel kein jen “dri korijer e tiljek im meletlet” eo ej keboji im ej ber ebake Seperd eo Elap ilo an keboj kij ñõn jelmae “iñtan eo elap” ej ebaktok.—Mat. 24:21, 45; Hib. 13:20, 21; Rev. 7:14.