Bõk Tokjen Jen Kwelok ko ñan Kwalok Nan
1. Ewi wãwen kwelok ko kin kwalok nan remaroñ jibañ kij?
1 Kwelok ko rebolemeir ñan kwalok nan rej letok kõketak eo emol im nan in jiroñ ko rekeie mokta jen ad kwalok nan. Rej letok ñan kij ien ko remõn ñan bõk kunad ilo jerbal in kwalok nan ibben ri kwalok ro ñan rejetak don im katakin don. (Ken. 27:17; Ekk. 4:9, 10) Ta eo jemaroñ kõmmane ñan bõk tokjen ko jen aolep kwelok kein?
2. Ta jet ian men ko eo ej tel kwelok eo emaroñ bwebwenato kaki?
2 Eo Ej Tel Kwelok Eo: Ejjab aolep ien ewõr karõk ko ilo tibdikin kin ta eo naj etale kake ilo kwelok eo. Kin men in, kebojak ej juõn menin aikwij elañe kwonaj tel kwelok in. Jab karõklok iman ñan etale unin tel in ran eo, meñe kwomaroñ kobaik jet point ko ilo bwebwenato eo elañe ej ekkar ñan jerbal in kwalok nan. Lemnak kin ta point ko ri kwalok ro remaroñ kajerbali ilo air jerbal in kwalok nan ilo ran eo. Ñan wanjoñok, kwomaroñ bwebwenato ilo kajitõk im uak ak kwalok kilen kwalok nan. Kwomaroñ elij juõn katak jen Reasoning [Kõmmanwa] book eo, Ministry School [Book in School eo] book eo, ak juõn katak jen kwelok in Service Meeting eo ilo jejjo week ko remotlok. Ilo ien ko jet, kwomaroñ bwebwenato kin wãwen kamadmõdi abañ ko kwoj jelmae ilo territory eo, ak kwomaroñ bwebwenato kin ewi wãwen ad maroñ kaitoklimoen armij ro im jino katak Bible ibbeir, elaptata ñe elõñ ian ri kwalok ro renaj bar jeblak ibben armij ro rej itoklimo. Jekdon ta eo naj etale, kwon bõplolũm im emõn am lemnak.
3. Ewi joñan aetokin kwelok eo, im ta eo ej aikwij tõbrak iumin ien in?
3 Kwoj aikwij jino kwelok eo ilo awa eo ejejjet, meñe kwo jelã bwe enaj wõr ro jet rej rumijtok. Kajerbal lolokjen eo emõn ñan karõk kumi ko, im lelok territory ko ñan ro rej aikwiji. Aetokin kwelok eo en jab le jen 10 ñan 15 minute ko ak kadulok elañe ej walok elikin juõn kwelok an congregation eo. Aolep rej aikwij jelã wõn ro renaj jerbal ibbeir im ia eo renaj jerbal ie mokta jen am kajemlok kwelok eo. Kwelok eo ej aikwij kajemlok kin jar.
4. Ta eo emaroñ jibañ aolep ñan lukkun bõk tokjen jen kwelok ko ñan kwalok nan?
4 Kwomaroñ Jibañ: Einwõt kwelok ko an congregation ko, jej kwalok kautiej ñan Jehovah im joij ñan ro jet ñe jej bed ilo kwelok eo ilo awa eo ejejjet. Kate yuk ñan bõk kunam ilo kajitõk im uak. Kwomaroñ kõtlok bwe eo ej tel kwelok eo en karõk bwe en wõr juõn mõttam, ak kwomaroñ kõmman am make karõk mokta jen an jino kwelok eo. Elañe kwokõnan kõmman karõk ko am make, kate yuk bwe en “laplok buruemi” ilo am jerbal ibben ri kwalok ro jet, ijellokin am jerbal ibben ro mõttam wõt aolep ien. (2 Kor. 6:11-13) Ñe ejemlok kwelok eo, jab ukõt karõk ko emwij karõki, ak kwon mõkaj im illok ñan territory eo.
5. Ta unin kwelok ko ñan kwalok nan?
5 Unin kwelok ko ñan kwalok nan ej einwõt kwelok ko an congregation eo. Kar karõke bwe jen “lale dron, im kõkãtok dron ñõn yokwe im jerbal ko remõn.” (Hib. 10:24, 25) Elañe jej kate kij ñan bõk tokjen jen kwelok kein, enaj jibañ kij ñan kajejjet jerbal in kwalok nan eo ad—emol ej juõn‘jerbal emõn!’