Overseer Ro Rej Tel—Theocratic Ministry School Overseer eo
1 Theocratic Ministry School overseer eo ej juõn armij eritto ilo jitõb eo elap an jerbal ilo konono im katakin im eo ej tellokin bõk nebar im ad jerbal ibben. (1 Tim. 5:17) Ta eddo ko an?
2 Ej lolorjake Theocratic Ministry School library eo ilo Kingdom Hall eo. Ej itoklimo in rejañ aolep ro rej tellokiir ñan kadeloñ etair ilo school eo. Ej kõmman bwe ren kejbãrok juõn record ejimwe bwe ren maroñ kõmman assignment ko ilo juõn wãwen ekwon enañin jilu week ko lok iman. Ej aikwij emõn an jelã ro ilo congregation eo, im lemnak kake kajjojo ri school im maroñ ko air. Meñe emaroñ kajerbal bar juõn brother ñan jibañ e keboj schedule in school eo, ej aikwij make lolorjake im assigni katak ko ilo jejjet.
3 Bwe en bolemen an katakin ilo school eo, overseer eo ej aikwij kebojak ilo tiljek kajjojo week, im lukkun etale katak ko ear assigni. Men in enaj kamaroñ e ñan kõmman bwe congregation eo en kijoror kin lajrak in katak ko, ñan bebe elañe ear jimwe air kwalok kin katak ko, im ñan kalikar point ko raorõk me renaj koba ilo ien elij eo.
4 Elikin kajjojo katak, overseer eo en nebar ri kwalok katak eo im kamelele kin etke kadkadin juõn wãwen konono kar emõn ak etke ej aikwij kakõmõnmõnloke. Ñe juõn ej aikwiji jibañ eo elaplok ñan keboje katak eo an ilo school eo, overseer eo ak bar juõn armij ear jitõñe emaroñ jibañ ri kwalok katak eo.
5 Ñan bõk tokjen jen jerbal eo elap an Theocratic Ministry School overseer eo im jabdewõt ri kakabilek ro jet me ear jitõñe, jej aikwij keini ad bed ilo school eo. Jej aikwij bareinwõt kajejjet aolep katak ko ad im jerbale kakabilek ko jaar bõki im bareinwõt ko kar lelok ñan ro rar kwalok katak ko jet. Ilo wãwen in, jenaj wõnmanlok im kõmanmõnlok maroñ ko ad ñan kwalok ennan eo ilobwilij im jen em ñan em.—Jerbal 20:20; 1 Tim. 4:13, 15.