Katakin Ro Jet Kin Ta eo Anij Ekõnan Bwe Jen Kõmmõne
1 Elõñ wõt armij jemaroñ lo ir me rar likjap ilo jitõb in “roñjake nan ko an Jehovah.” (Amos 8:11) Ke jet rej tõmak bwe ebed Anij, rejjab jab jela kin karõk im men in aikwij ko an. Kin men in, ewor juõn aikwij ñõn ad katakin ir mol eo kin Ailiñ eo me emaroñ lomoren ir. Ilo ad bojak ñõn kwalok nan ilo jabdewõt ien emõn tok, jemaroñ jibadõk ro rekõnan katak kin ta eo Jehovah ekõnan bwe jen kõmmõne.
2 Ilo May im June, enaj wor katak ko rejejjet ilo Imõniaroñroñ im Awake! ñõn ad jaketo-jaketak. Bareinwõt, ej ien eo jinointata, jenaj kwalok brochure eo Ta Eo Anij Ekõnan Bwe Jen Kõmmõne? Pija ko reaibujuij im kajitõk ko rej kammakit lemnak rej kõmmõn bwe en lap an emejaja. Nan in rejañ kein tok rej letoki ñõn jibañ kij kajerbal book ko ad remõn ilo bolemen.
3 Bukõt Armij: Ilo jikin ko ijo elõñ armij rejako jen moko imweir, ewor tokjen ñõn bukõt im konono ibben armij ilo jabdewõt jikin ko jemaroñ lo ir. Insert (peij eo iloa) eo ilo November 1996 Ad Jerbal Ñõn Ailiñ Eo ear rejañ kij ñõn ad kwalok kin news eo emõn ijoko otemjej—turin ial, ilo bus im taxi ko, im ilo jikin kallip ko, jikin park wa ko, im jikin business ko. Ear bareinwõt kammakit kij ñõn lemnak kin aikwij eo ñõn kõmmõn ien ko remõn ñõn kwalok nan. Einwõt juõn wanjoñok kin men in, juõn sister eo ej pioneer ear etal ñõn zoo (jikin men in mour ko) eo im bõk ibben jet August 8, 1996, Awake! magazine kin lãjrak in katak ko kin “Endangered Species—Why Be Concerned?” Iloan wõt juõn awa, ear lelok 40 copy ko ibben jet armij ro rej kamolol me rej yokwe men in mour ko! Ta tõbrak ko kwar lõñliñ kaki ñõn kiõ kin am kwalok news eo emõn ilo jabdewõt jikin ko? Imõniaroñroñ im Awake! im bareinwõt Jen Kõmmõne brochure eo rej ekkar ñõn aolep kain jerbal in kwalok nan, kinke rej kwalok kin kamelele ko me rej jelet mour ko an armij im kammakit maroñ eo ñõn lemnak.
4 Jinoe Bwebwenato ko: Peij eo tu-lik ilo November 1996 Ad Jerbal Ñõn Ailiñ Eo ej letok kamelele ko ilo tibdikin kin ewi wãwen jemaroñ keboje ennan eo ad make kin magazine in Imõniaroñroñ im Awake! Ejja nan in rejañ ko renaj jerbal ñe kwoj keboje ennan eo am kin Jen Kõmmõne brochure eo. Men eo jej ba emaroñ kadu einwõt jet wõt sentence ko ak ebwe an aetok ñõn koba juõn lemnak jen Jeje Ko. Eaorõk ñõn kejbarok jokãlet in nan in jino ko am, kinke renaj beek elañe armij eo kwoj kebake enaj wõnmanlok im roñjake ak jab. Jet rar lo tõbrak kin nan in jino in: “Iar konono juõn katak me ear rejañ iõ, im Iar kõnan jake jibwile ibbõm.” Ak kwomaroñ bõkmantak juõn kajitõk ekaitoktoklimoen ñõn kobaik armij eo ilo juõn bwebwenato.
5 Elañe ej ekkar ilo bukwon eo am, kwomaroñ kajeoñ in kwalok kajitõk ko einwõt eo in tok ilo ennan ko am ilo alliñ in:
◼ “Rainin jej lo elõñ graffiti (katton kiin moko ilo air jeje ion), litter (katton melan ilo air jolok kobij ko ilõl), im pollution (kapoison mejatoto, ene, den, im kijid mõñã). Ta eo jej aikwiji ñõn karreoik lõl in im kõmmõn bwe en juõn jikin emõnlok ad jokwe ion?” Kõtlok an uak, inem kamelele bwe ewor nan in jiroñ ko ibbõm me rej kamol ñõn kij kin ewi wãwen im ñãt aolepen lõl in enaj erom juõn jikin kallip. Kwalok juõn ennan ejejjet, juõn eon ekadu, im juõn pija eaibujuij jen juõn magazine ekãl, inem lelok ñõn armij eo bwe en readi. Ba bwe elõñ ro me rej mõnõnõ in read book ko ad rej mõnõnõ in lelok juõn jabawot, eo jej kajerbale ñõn jerbal eo ad ibelakin lõl. Mokta jen am kajemlok bwebwenato eo, kajeoñ in karõk juõn ien ñe kwomaroñ bar jeblak.
◼ “Kwoj lemnak ke bwe Anij ear kõnan bwe jen mour ibwiljin abañ ko einwõt ko jej iioni ilo ran kein?” Elikin an armij eo uak, kwomaroñ ba: “Bõlen kwoj jela jar eo me Jesus ear katakin ri kaloran kake, im kajitõk bwe en itok Ailiñ eo an Anij. Kwar lemnak ke kin ta eo Ailiñ in Anij?” Eliklok ñõn katak 6 ilo Jen Kõmmõne brochure eo, im readi kajitõk ko me rej walok ilo jinoin katak eo. Inem, ñe kwoj read paragraph 1, jitõñlok ñõn kajitõk eo mokta. Kamelele bwe kajitõk ko jet ejejjet bareinwõt air uaki. Lelok brochure eo, kamelele kin lãjrak in jabawot eo, im ba bwe kwoj mõnõnõ in bar loe ñõn kwalok kin melele ko jet kin Ailiñ eo.
◼ “Elõñ armij ro rej lemnak rej jino lo bwe kabuñ ko an lõl in rej einwõt unjen abañ ko an armij im jab mejelan eo. Ta eo kwoj lemnak kin men in?” Elikin am roñjake lemnak eo an armij eo, kwalok juõn men jen juõn ian magazine ko rekãl me emaroñ kaitoklimoen kin likjap eo an kabuñ ko rewan ak buñ eo an ej ebak. Kajitõk elañe ekõnan readi. Kwalok etamirro, im ba bwe kwoj mõnõnõ in bar iione ñõn kameleleik e kin ewi wãwen kabuñ eo emol ear jab likjap ñõn armij. Ñe ekkar, kamelele kin ewi wãwen armij eo ej itoklimo emaroñ kõmmõn juõn jabawot.
◼ “Kin an lõñ abañ ko ilo mour in family ilo ran kein, kwar lemnak ke kin ta eo ej men in ittino ak key eo ñõn lo mour in family elemõnõnõ?” Kõttar an uak, im kamelele bwe ilo Bible eo Anij ej kwalok key eo emol kin juõn mour in family elemõnõnõ. Bõlen kwomaroñ read Isaiah 48:17. Inem eliklok ñõn katak 8 ilo Jen Kõmmõne brochure, im jitõñlok ñõn jet eon ko me rej letok tel eo emol ñõn kajjojo uan family eo. Konono lãjrak in kajitõk ko ilo jinoin katak eo. Kajitõk elañe armij eo ekõnan readi uak ko. Elañe ekõnan, lelok brochure eo ñõn e im kamelele bwe meñe ejelok wõnãn book eo, jej mõnõnõ in bõk jidik jabawot nõn jerbal eo ad ibelakin lõl. Ba bwe kwoj mõnõnõ in bar jeblak ñõn jake jibwil elõñlok nan in tel ko rekeie me rej bed ilo Bible kin mour in family elemõnõnõ.
6 Insert (peij eo iloa) eo ilo Ad Jerbal Ñõn Ailiñ Eo ilo alliñ in ej rejañ kij ñõn kalaplok ad beran ñõn kõmmõn bar jeblak ko. Ej rejañ ñõn kajerbal Jen Kõmmõne brochure eo ñõn kajutak katak kin Bible ko, elañe jab ilo ien lolok eo mokta, inem ilo ien jej kõmmõne bar jeblak eo. Aikwij eo elaptata an armij ej ñõn katak kin ta eo Anij ekõnan bwe jen kõmmõne inem jerbale. (Kol. 1:9, 10) Enaj lap ad jibañ ro jet ilo May im June elañe jemaroñ jino katakin ir kin ta eo jej jela kake kin men in aikwij ko an Jehovah kin mour.—1 Kor. 9:23.