Program eo Ekãl an Special Assembly Day eo
“Kõmmõn Men Otemjej kin News eo Emõn” ej unin tel eo an program eo ekãl an special assembly day eo ej jino ilo September. (1 Kor. 9:23) News eo emõn kin Ailiñ eo ej news eo eaorõktata rainin. Program eo enaj jibañ kij kamolol kin jerammõn eo ewor ibbed ñõn jaketo-jaketak news in ekabwilõñlõñ. Enaj bareinwõt kaberan kij ñõn keañ wõt kin news eo emõn ilo ejelok bõjrak.—Jerbal 5:42.
Program eo enaj kwalok ñõn kij kin ewi wãwen jemaroñ kortokjen kaminene eo ad ej theocratic bwe jen maroñ kõtõbrak jerbal eo ad. Jenaj roñ jen jet armij ro rar kõmmõn oktak ko ilo air mour bwe ren maroñ kalaplok jerbal eo air, ekoba jodikdik ro rej kate ir ñõn kowõnmanlok news eo emõn.—Keiri Pilippai 2:22.
Katak eo elap, eo juõn ri lotok enaj kwaloke, enaj kalikar aikwij eo bwe jen “tellokin wõt bõk news eo emõn.” (1 Tes. 2:4, NW) Renaj jibañ kij ñõn lo bwe elañe jekõnan kebarok wõt jerammõn eo ad ñõn jaketo-jaketak news eo emõn ibben ro jet, jej aikwij kajejjet wõt men in aikwij im kien ko an Anij kin lemnak ko ad im mwilid. Jerammõn ko me jenaj bõk jen ad kõmmõn men in renaj bareinwõt kalikare.
Kwon jab jako jen program in eaorõk. Ro rej kab wujleplok air mour im rekõnan baptais ilo special assembly day in ren kõjelaik presiding overseer eo ilo ien eo emõkajtata. Kirtok aolep ro kwoj katak ibbeir ñõn bed ilo kwelok eo. Jen kõtlok bwe Jehovah en kakajur kij ñõn kõmmõn men otemjej kin tokjen news eo emõn im ilo wãwen in kadedelok jerbal in elaptata mokta jen Armageddon.