Program eo Ekãl kin Ran in Special Assembly Eo

Kin maroñ eo jen jitõb kwojarjar, Ri Christian ro mokta rar kate ir ñan air kwalok kin news eo emõn ijoko otemjej. (Jerbal 1:8; Dri Kolosse 1:23) Program in special assembly eo ñan yiõ eo 2007, “En Lap Am Boub Kin Nan Eo,” enaj jibañ kij ñan anõk joñok eo air elukkun emõn.—Jerbal 18:5.

Ilo an kwalok lemnak eo an kin Nan eo an Anij, King David ear ba: “Kien Jeova e wãppen im ej karok an; nan in katak an Jeova e bin im ej kameletlet ro re jaje.” (Sam Ko 19:7) Program in special assembly eo ñan 2007 emwij kar lukkun etale im keboje enaj kalikar kin aorõkin Jeje ko ‘ñan kajimwe men ko’ im enaj rejañ kij ñan ad kajerbal Nan eo an Anij ñan kwalok nan im katakin kin juõn eñjake in kakaiuriur. (2 Timote 3:16, 17) Program in ekãl enaj kwalok kin ewi wãwen jemaroñ kejbãrok kij jen jorrãn ko im bõk tokjen ko ñan kij make ilo ad jerbale nan in kaiñi ko jen Bible ilo mour ko ad. Men in enaj bareinwõt jibañ kij ñan ad kajerbal Nan eo an Anij ñan jibañ jodikdik ro im ro rekãl ñan air kõmman wõnmanlok ko ilo jitõb.

Kate yuk bwe kwon bed ilo ien eo program eo enaj jinoe, im lukkun roñjake. Jeje point ko me kwomaroñ kajerbale ilo mour eo am make. Kwalok am kamolol kin katak ko im nan in kakememej ko kwoj bõki, im kalmenlokjen kin ewi wãwen kwoj lemnak in jino kamineneik yuk jerbale men ko kwar katak kaki.

Program in special assembly eo enaj kalaplok ad kamolol kin Nan eo an Anij, kakememej kij ñan ad wõnmanlok im jutak bin ilo ad kwalok kin news eo emõn kin Ailiñ eo ilo kijejeto, im enaj kwalok ñan kij kin ewi wãwen jemaroñ jibañ ro jet bwe ren kõmman eindein. Karõk bwe kwon jab jako jen jabdewõt ian katak ko ilo jitõb me Jehovah ej letok ilo wãwen in!—Aiseia 30:20b, 21.