Jej Aikwij Ri Katakin, Jab Ri Kwalok Ro Wõt

¹ Armij rar lo bwe “Ri Kennan ro an Jehovah rar kobrak lõl in kin air kwalok nan. Ewi wãwen an kar maroñ eindein men in? Jab kin maroñ ak kajur eo an armij, ak ikijen jitõbõn Anij eo ej jerbal ion ri karejar ro an ñe rej kortokjen men in letok ko ñõn kajejjet jerbal eo air ñõn kwalok nan im katakin armij.​—Zech. 4:6; Jerbal 1:8.

² Men ko emwij jeje ej juõn ial ebolemen ñõn kõtõbrak jerbal in kwalok nan eo ad. Iumin elõñ yiõ ko, billion copy ko kin book, booklet, brochure, magazine, im tract ko Ri Kennan ro an Jehovah kar jeje im jaketo-jaketak kaki ñõn jibañ kõjela kin news eo emõn kin Ailiñ eo. Report ko ilo 1997 Yearbook eo ej kwalok bwe kõmmõn book ko kar tõbar joñan ko relaptata. Ñõn kiõ, kar kõmmõn elõñlok jen 91 million copy ko kin New World Translation. Ilo juõn yiõ oran magazine in Imõniaroñroñ im Awake! rar jeje ilo United States kar laplok 7.1 percent. Ilo Germany, magazine ko rar kõmmõni kar laplok 35 percent. Elaplok jen juõn mõttan jilu in magazine ko kar kõmmõni ijo kar kõmmõni ñõn jilkinloki ñõn Russia.

³ Etke rej aikwij elõñ book ko? Ibelakin lõl, kar wor juõn emmakit elap ñõn nan in rejañ eo rar letok ñõn kij ñõn kwalok nan ilo jabdewõt jikin ko ewor armij ro ie. Kinke elõñlok iad jej kalaplok jerbal in kwalok nan eo ad​—ilo jikin ko ilobwilij, turin ial ko, im ilo jikin business​—elõñlok book ko rej leloki ñõn armij ro rej kwalok air itoklimo. Elõñ iair ejeja, elañe kar wor ien, air roñjake ennan in Ailin‹ eo mokta. Ñõn kõtõbrak aikwij in, congregation ko ewor elõñ kajjo kain book ko ñõn kajerbali ilo aolep wãwen in kwalok nan.

⁴ Ta eo Ej Mejenkajjik eo Ad ñõn Jaketo-Jaketak Book ko? Mejenkajjik eo ad ejjab ñõn likit wõt book ko. Kakien eo ñõn kõmmõn ri kalor ro ej kitibuj ruo wãwen ko​—kwalok nan im katakin. Mokta, ewor jerammõn eo ibbed ñõn kwalok kin news eo emõn kin Ailiñ eo, im kõmmõn bwe armij ren jela bwe ej kejatdikdik eo wõt an armij. (Mat. 10:7; 24:14) Book ko ad rej atartar ion Bible ej juõn ial ebolemen ñõn kaitoklimoen im lelok jelalokjen kin Ailiñ eo ñõn ro jet.

⁵ Kein karuo, elañe jekõnan kõmmõn ri kalor ro, jej aikwij katakin men otemjej Jesus ear jiroñ ir kake. (Mat. 11:1; 28:19, 20) Bar juõn alen, book ko ewor juõn jerbal eaorõk ñõn kadeloñ mol eo ilo buruen ri katak Bible ro, im jibañ ir ñõn erom ri kalor ro.

⁶ Ro rej bõk book ko remaroñ ‘dri roñjake nan eo,’ ak rejamin ri kõmmõn nan eo elañe ejelok armij ej jibañ ir. (Jem. 1:22-25) Jejjo wõt renaj erom ri kalor ro mae ien juõn armij ej tel ir. (Jerbal 8:30, 31) Rej aikwiji juõn ri katakin ñõn jibañ ir kamol ñõn ir make kin mol eo me jej loe ilo Jeje ko. (Jerbal 17:2, 3) Mejenkajjik eo ad ej ñõn jibañ ir ñõn wõnmanlok ñõn joñan eo rej wujleplok air mour im baptais im ñõn kamineneik ir ñõn air maroñ katakin ro jet.​—2 Tim. 2:2.

⁷ Aikwij eo Elaptata Ej kin Elõñlok Ri Katakin ro: Ñe jej kwalok nan, jej keañ kin news eo emõn ilobwilij. Bõtab, katakin ej kitibuj ad kibel ak katakin juõn armij ilo juõn wãwen ej wõnmanlok. Ke kwalok nan ej kõmmõn bwe ro jet ren jela kin ennan in Ailiñ eo, katakin ej jibañ kajjojo armij ñõn bõk news eo emõn im jerbale. (Luke 8:15) Juõn ri katakin ej kõmmõn elaplok jen an keañ wõt kin juõn men; ej kamelele, kammanwa kin point ko remõn, lelok nan in kamol ko, im karel.

⁸ Ñõn joñan elõñ einwõt jemaroñ jej aikwij ri katakin, jab ri kwalok ro wõt. (Hib. 5:12a) Jaketo-jaketak book ko ej juõn mõttan eaorõk ilo jerbal eo ad, ak ñõn kõtõbrak mejenkajjik eo kein karuo ilo jerbal eo ad ej wawa ion ta eo jemaroñ kõmmõne einwõt ri katakin ro. Meñe jemaroñ mõnõnõ ñe jej lelok book ko, ñõn kõtõbrak jerbal in kwalok nan eo ad ilo juõn wãwen ejejjet, jej aikwij jab watõk ad lelok juõn book einwõt mejenkajjik eo ad eliktata. (2 Tim. 4:5) Lelok book ko rej juõn wãwen ebolemen ñõn kabellok kejam eo ñõn ien ko remõn ñõn katakin mol eo ñõn ro jet.

⁹ Kõmmõn Bar Jeblak ko ñõn Jino Bible Study ko: Kij aolep jemaroñ kar lelok elõñ book, brochure, im magazine ko, im ilo wãwen in ejaak juõn lãjrak in bar jeblak ko. Jej aikwij schedule juõn ien ñõn bar jeblak im kalaplok itoklimo eo an armij. Karõk eo ad elap ñõn bar jeblak ejjab ñõn lelok book ko jet ak ñõn rejañ armij ñõn read im bõk tokjen jen book ko ewor kadede ibbeir. Ewi joñan eo jenaj kar wõnmanlok ilo jitõb elañe juõn armij ear jab jeblak im bar jeblak ñõn jibañ kij ñõn bõk jelalokjen eo ejimwe?​—John 17:3.

¹⁰ Bar jeblak ibben aolep ro rar kwalok air itoklimo kin juõn mejenkajjik ñõn jino juõn Bible study elañe jab ilo brochure eo Ta Eo Anij Ekõnan Bwe Jen Kõmmõne? inem ilo book eo Kwo Maroñ Mour Indrio Ilo Paradise ion Lõl. Book kein ruo rej kwalok ennan in Ailiñ eo ilo juõn wãwen ebidodo melele kake. Jen Kõmmõne brochure eo ewor juõn karõk in katak emõn, eo ej etale irinekatak ko ilo Bible eo. Book eo Mour Indrio ej kamaroñ juõn armij ñõn katakin mol eo ilo tibdikdik, ak ilo juõn wãwen elamwan, alikar, im kadu.

¹¹ Program in katakin in ebidodo ej kõmmõn bwe en bidodo an ri katakin ro katakin im an ri school ro katak. Elij kõl ko kilen katakin ko rebolemen. Kememej wãwen eo ñõn kwalok am itoklimo ilo ri katak eo, ewi joñan katak eo kwomaroñ etale ilo juõn ien katak, wãwen eo ñõn jerbale kajitõk ko reoktak jen men eo komij katak kake, ewi wãwen ri katakin im ri katak ro jimor remaroñ keboje lok iman kin katak eo, im ewi wãwen kwomaroñ jitõñlok ri katak eo ñõn dolul eo an Jehovah. Ilo ad kõmmõn men kein, elõñlok iad, ekoba ro rekãl, renaj maroñ kõmmõn katak ko rej wõnmanlok.

¹² Report ko kin Tõbrak ko Remõn ilo Jerbal in Kwalok Nan: Jen Kõmmõne brochure eo im book eo Mour Indrio rej kein jibañ ko raorõk ñõn kamõkajlok jerbal eo ñõn kõmmõn ri kalor ro. Ke ear bõk Jen Kõmmõne brochure eo, juõn brother ilo Bolivia ilo mõkaj ear kajerbale ñõn jino juõn katak ibben juõn emaan. Emen alliñ ko tokelik ilo district convention eo, ri katak in ear bed ibwiljin ro rar baptais!

¹³ Elõñ rej emmakit ñõn wujleplok air mour ñõn Jehovah elikin rej kadedelok air katak book eo Mour Indrio. Ilo juõn congregation ilo Angola, oran Bible study ko ear laplok jen 190 ñõn 260 im oran ro rar kwelok kar laplok ruo alen jen 180 ñõn 360 ilo emen wõt alliñ ko. Ejjabto tokelik, ear juõn men in aikwij ñõn kajutak bar juõn congregation.

¹⁴ Elikin ear kajutak juõn an ri katak ilo book eo Mour Indrio, juõn brother ear ba bwe kõmmõn Bible study ej “lamwan elañe ri tel eo ej baj kwalok kajitõk ko, konono jet eon ro rekkar, im kõmmõn bwe ri katak eo en melele.” Meñe ear lemnak bwe ri kwalok ro me ewor air maroñ wõt rar maroñ kõmmõn katak kin Bible ko rej wõnmanlok im bwe eban kar maroñ kõmmõne, ear kile bwe ear maroñ, im ba: “Elañe I maroñ, jabdewõt armij renaj maroñ.”

¹⁵ Ej ikijen ad kõmmõn bwe katak kin Bible ko en einwõt mõttan jerbal in kwalok nan eo ad me jej kõtõbrak mejenkajjik eo ñõn kõmmõn ri kalor ro. Ro me rar kaddek maroñ eo ñõn bõk kwunair ilo mõttan in ilo jerbal in kwalok nan rej lo bwe emol an kajuburu im ewor jerammõn. Jekõnan bwe ren ba kin kij bwe jej bareinwõt “kwalok ailiñ in Anij . . . im katakin men ko kin Iroij Jisõs Kraist, kin elap beran, im ejelok en ej bõprae.”​—Jerbal 28:31.