Kwoj Read ke Magazine ko?
1 Ruo missionary ri belele ro ilo Africa rar ba men in ikijen magazine ko ad: “Imõniaroñroñ eo ej jibañ kij bwe jen ekkõl wõt ilo jitõb ilo territory eo ad. Jej bõk rejañ im kakajur jen kajjojo copy.” Ewõr ke ejja kamolol rot in kin magazine ko ad? Im kwoj kijoror ke in readi?
2 Ej bõk elap ien ñan keboje katak ko ilo magazine eo me remaroñ readi ilo jejjo wõt minute ko. Ilo am jelã men in, kwonaj baj lale ilo mõkaj katak ko ke, aluij pija ko, ak read jen ien ñan ien katak ko kwoj itoklimo kaki? Jej meletlet elañe jej kõmman elaplok jen men in. Jej aikwij bõk ien ñan read im etale aolep katak ko ilo kajjojo magazine ko ad. Imõniaroñroñ eo ej magazine eo ad elaptata ñan bõk ekan ko lor jitõb ilo ien ejejjet. Awake! ewõr katak ko rekaitoktoklimo im elap an kamelele kin kajjo kain katak ko. Men ko jej katak jen ad readi magazine kein renaj jab kakajur wõt kij ilo jitõb ak rej bareinwõt keboj kij bwe en keie ad bõk kunad ilo jerbal in kwalok nan. Elañe ej tiljek ad read bareinwõt, jenaj kijejeto in lelok magazine kein ñan ro jet.
3 Wãwen eo ñan Kakõmõnmõnlok Manit in Read ko Ad: Kwomaroñ ke kakõmõnmõnlok am readi magazine ko? Ijin ej ruo nan in rejañ ko me rar jerbal ñan elõñ. (1) Kajutak juõn schedule in keini am read. Ilo am baj kajenolok 10 ak 15 minute ko kajjojo ran ñan read, kwonaj bwilõñ kin ewi joñan kwomaroñ read ilo juõn week. (2) En wõr juõn karõk ñan kememej ta eo kwar readi. Bõlen kwomaroñ likit juõn kakõlle ilo jinoin kajjojo katak ko kwoj read. Ilo an ejelok kakõlle ko, kwomaroñ likjap in read jet katak ko ak aolepen juõn magazine. Ej aorõk ñan kõmman juõn lajrak in read me ej jerbal ñan kwe im kajejjete.—Keidi Pilippai 3:16.
4 “Dri korijer e tiljek im meletlet” ear emmakit ilo meletlet ñan ien kein rej oktak ilo an jeje katak ko me rej jejjet ñan aikwij ko remol an armij. (Mat. 24:45) Emol, magazine kein rar jelet mour ko ad. Joñan wõnmanlok eo ad ilo jitõb, ñan juõn joñan elap, ej wawa ion emõnin manit in read eo ad. Juõn jerammõn elap ilo jitõb ej bed iman ro rej bõk ien ñan read aolep magazine ko.