Overseer Ro Rej Tel—Congregation Book Study Conductor Ro
1 Ej juõn jerammõn elap ñe juõn elder ak ministerial servant emaroñ jerbal einwõt juõn Congregation Book Study conductor. Lale aikwij ko ilo jitõb an ro ilo kumi eo an ej juõn eddo elap. Eddo ko an remaroñ kajenoloki ilo jilu mõttan ko.
2 Maroñ in Katakin: Ej aikwij emõn an Congregation Book Study conductor eo kebojak ñan lelok kamelele ñan kumi eo kajjojo week. Ej bukõt ñan kalaplok kamolol kin men eo rej katak kake. Jen an make kamelele ilo ien katak eo, ñe ej aikwij enaj bõkmantak juõn kajitõk ñan kalikarlok point ko relap ilo katak eo. Aitwerõk eo an ej ñan kõmman bwe katak eo en kaitoktoklimo im emõn an katakin im bwe aolep ren bõk kunair ilo bwebwenato eo. Mejenkajjik eo an ej ñan kalek armij ilo jitõb, ñan kalikar tokjen ko rekeie kin katak eo, im ñan kõmman bwe katak eo en tõbar lemnak im burueir jimor.—1 Tes. 2:13.
3 Shepherd ilo Wãwen eo ej Lelok Jibañ: Congregation Book Study conductor eo ej “einwõt jikin tilekek jen kõto, im juõn ken tõrak jen lañ eo.” (Ais. 32:2) Ej mol an kea kake aolep ilo kumi eo an im ej lale bwe ren lelok jibañ ilo jitõb ñe juõn ilo kumi eo an ej iten ebwer.—Ezek. 34:15, 16; 1 Tes. 2:7, 8.
4 Kwalok Nan ilo Kijejeto: Congregation Book Study conductor eo ej niknik in kõmman karõk ko rekeie ñan aolep ro ilo kumi eo an ñan bõk kunair ilo jerbal in kwalok nan. Ej tel ilo jerbal in kwalok nan, ilo an jelã bwe keini im kijejeto eo ej kwaloke kin jerbal in kwalok nan enaj alikar ibben aolep ro jet ilo kumi eo. (Kol. 4:17; 2 Tes. 3:9) Ej jibadõk an jerbal ilo jerbal in kwalok nan ibben kajjojo uan kumi eo an. Elañe jekõnan kakõmõnmõnlok kabel ko ad ilo jerbal in kwalok nan im katakin, Congregation Book Study conductor eo emaroñ jibañ kij jibadõk mejenkajjik eo ad.—1 Tim. 4:16; 2 Tim. 4:5.
5 Emol jej lukkun jerammõn kin men in letok kein ibben rein me rej bojak ñan letok jibañ ko ilo jitõb im jurak eo ej yokwe. (1 Tes. 5:14) Jen kwalok ad kamolol kin men in letok in eaibujuij jen Jehovah ilo ad bõk kunad ilo book study eo im ilo ad jurake ilo tiljek jerbal in kwalok nan.—Hib. 10:25.