Kaddek Itoklimo eo ear Walok jen News Kin Ailiñ Eo No. 36
1 Ededelok ke am leto-letak kõj eo am kin News kin Ailiñ eo No. 36? Ej bõkmantak juõn kajitõk emõn me aolep remaroñ kalmenlokjen kake: “Millennium eo Ekãl—Ta Ilju eo Am?” Ke ear ebak yiõ 2000, men ko rar kõtmene kin ta ko millennium eo ekãl enaj kar bõktoki rar einjuõn jen don. News kin Ailiñ eo ej etale kin jet ian men kein rar kõtmene kaki im ej kakememej kij bwe wãwen ko ilo lal in rejjab letok bedbed eo ñan bõk juõn lemnak emõn. Millennium eo wõt enaj bõktok ainemõn im jokane me enañin aolep armij rej bukõte ej Juõn Thousand Yiõ in Iroij eo an Christ Jesus. Liki eo ad ilo mol in Ailiñ eo an ear kamakit kij ñan leto-letak News kin Ailiñ eo No. 36 ñan aolep armij.
2 Uak ko ñan News kin Ailiñ eo: Leto-letak ko mokta kin News kin Ailiñ eo ear mol an juõn men in kamakit emõn ilo jerbal eo ad. Ikijen News kin Ailiñ eo No. 35, ra eo ilo Canada ear je: “Ri kwalok ro im pioneer ro rar kijejeto in jurake jerbal in ejej uan, im rar lañliñ kin elõñ experience ko rekõketak.” Ejelok bere ear eindein kijejeto eo kwar kwaloke kin leto-letak in News kin Ailiñ eo No. 36.
3 Kar karõk bwe jerbal in leto-letak News kin Ailiñ eo ekãl en jemlok ilo November 17, 2000. Ededelok ke am jerbale aolepen territory ko kar karõki ilo congregation eo am? Elañe jab, elder ro remaroñ kajitõk bwe komin wõnmanlok ilo jerbal in leto-letak eo ñan jemlokin November.
4 Tok ñan kiõ, ewi wãwen armij rar emmakit ñan jerbal in leto-letak kin News kin Ailiñ eo No. 36 ilo bukwon eo am. Jet armij renaj kanne coupon eo im kajitõk kin juõn copy in Jen Kõmmõne brochure eo im/ak kin juõn katak kin Bible. Bõtab, jarlepju ian ro rej kwalok air itoklimo ilo jinoin ilo katak eo kin millennium rejamin emmakit mae ien juõn ian ri Kennan ro an Jehovah ej bar lolok ir. Jaikwij in bar lolok ibben aolep ro rar itoklimo in roñjake. Ñããt eo enaj emõn ñan kõmman men in? Kwoj aikwij bar jeblak ilo ien eo emõkajtata.
5 Lale experience kein me rar walok ke rar bar jeblak ibben ro rar lelok News kin Ailiñ eo No. 35. Juõn pioneer ilo Ireland ear door juõn copy in News kin Ailiñ eo ibben armij eo an juõn mõn mõñã. Kõrã eo ear bwilõñ kin ennan eo im ear kir sister eo ñan bar jeblak. Elikin ruo ran sister eo ear bar jeblak, im ear jino juõn Bible study. Ilo Denmark, rar door juõn copy in News kin Ailiñ eo ilo juõn em ear ejelok armij ie. Ilo ejja ran eo wõt kõrã eo ear jokwe imweo ear jilkinlok coupon eo ñan ra eo, im ra eo ear jilkinloke ñan congregation eo ilo bukwon eo an. Mokta jen an jemlok week eo, ruo sister ro rar lolok e, kõmmane juõn karõk ñan Bible study, im kõrã eo ear bed ilo kwelok eo an moktata ilo Kingdom Hall eo!
6 Ta eo Kwoj Ba Ñe Kwoj Bar Jeblak: Kõmman bar jeblak ko ibben ro kwar door juõn copy in News kin Ailiñ eo ejjab kanuij bin im ej mõttan jerbal in kwalok nan eo ad ekamõnõnõ. Ñe kwoj bar jeblak, enaj emõn elañe kwoj bõk ibbam juõn copy in News kin Ailiñ eo No. 36, bwe emaroñ jako copy eo an ri mweo. Kwomaroñ kajerbal nan in rejañ kein.
7 Elikin am kakememej ri mweo kin wõn kwe, kwomaroñ ba:
◼ “Iar door juõn peba etan ‘Millennium eo Ekãl—Ta Ilju eo Am?’ Ejjab juõn men in rejañ ke ñan read bwe ejjabto jen kiõ Juõn Thousand Yiõ in Iroij eo an Christ Jesus enaj jinoe, im ukõt lal in ñan juõn Paradise? [Kwalok pija ko kin Paradise eo ilo News kin Ailiñ eo No. 36.] Ilo peij eo itulik, ej rejañ yuk bwe kwon kajitõk juõn am copy in brochure eo Ta Eo Anij Ekõnan Bwe Jen Kõmmõne!” Kwalok brochure eo, eliklok ñan katak 5, konono kajitõk eo moktata im paragraph 1 im 2, im kajitõk ibben ri mweo kin lemnak eo an. Konono im bwebwenato kin juõn ak ruo eon ko. Elañe emaroñ, etale bar juõn kajitõk im paragraph, inem kõmman karõk ñan bar jeblak im wõnmanlok ilo bwebwenato eo.
8 Kinke book in lelok eo ilo November enaj “Jen Kõmmõne” brochure eo ak book eo “Mour Indrio,” kwomaroñ ba:
◼ “Ke iar itok mokta, iar door ibbam juõn copy in tract in ‘Millennium eo Ekãl—Ta Ilju eo Am?’ Ej tilmaake juõn katak kin Bible ilo ejelok wõnãn. Iar jeblaktok ñan kwalok ñan yuk kein jibañ eo ñan katak Bible me kimij kajerbale. [Kwalok Jen Kõmmõne brochure eo, im eliklok ñan peij eo itulik; ak kwalok book eo Mour Indrio, im eliklok ñan peij 11-13.] Millennium eo me Bible ej konono kake enaj bõktok wãwen ko einwõt kwoj loi ilo pija in. Ñan tellokin mour ilo Paradise, jej aikwij bõk jelãlokjen eo ejejjet kin Anij. Joij im kõtlok bwe in kwalok ilo tu-kadu kin ewi wãwen kimij katak Bible eo.”
9 Leto-letak eo kin News kin Ailiñ eo No. 36 ear kamakit kij ñan kalaplok ijo kunad ilo jerbal in kwalok nan, im ilo wãwen in kennan ilo juõn wãwen elap an lap. Alikar men in ear kaitoklimoik elõñ armij ilo territory eo. Jibadbad ko ad ñan kaddeklok itoklimo in naj, kin jibañ jen Jehovah, walok ilo ad mõnõnõ in lo elõñlok ro rej einwõt sheep.—Mat. 10:11; Jerbal 13:48, 49, 52.