Bar Jeblak Ibben Ro Rej Itoklimo kin News kin Ailiñ eo
1 Ilo ran ko rej kab motlok jaar lõñliñ kin jerammõn eo ñõn jaketo-jaketak News kin Ailiñ eo No. 35, naetan “Armij Otemjej Renaj Yokwe Don Ke?” Ri kwalok ro ijoko otemjej rej kate ir ñõn jibadõk aolep armij ro rej tellokir joñan wõt air maroñ kin copy in News kin Ailiñ eo. (Mat. 10:11) Meñe jerbal in kar karõke ñõn jemlok ilo November, elañe ej wor wõt territory me ejañin dedelok, elder ro remaroñ kajitõk ibbam ñõn wõnmanlok in jaketo-jaketak News kin Ailiñ eo No. 35 mae ien remat.
2 Copy in kin News kin Ailiñ eo kar kamakit itoklimo an elõñ armij. Rej lo bwe armij rar luji air yokwe im kin men in rej lemnak kin ta eo enaj walok ilo ran ko renaj itok. (2 Tim. 3:3) Jekõnan bar jeblak ibben aolep ro rar kwalok air itoklimo.
3 News kin Ailiñ eo Ewor Tõbrak ko: Ilo ien jaketo-jaketak News kin Ailiñ eo ilo 1995, juõn kõrã eo ear bõk juõn copy ear itok ñõn juõn kwelok ilo Kingdom Hall eo kinke ear kõnan kalaplok an katak kin ta eo Ri Kennan ro an Jehovah rej tõmak kake. Ilo kwelok eo ear mõnõnõ in jino katak kin Bible im tokelik ear jeja an jako jen kwelok ko. Ejjabto, ear jeje juõn letter ñõn kabuñ eo an mokta, im jolok etan jen lãjrak eo air!
4 Ñõn kiõ, elõñ buki armij ilo territory eo rar read News kin Ailiñ eo No. 35. Ak kar ta emmakit eo air ñõn e? Meñe rar bwilõñ kin ta eo rar readi, elõñ ian armij rein rejamin emmakit mae ien juõn ian Ri Kennan ro an Jehovah enaj bar lolok ir. Kwoj kõmmõn ke karõk ko ñõn bar jeblak? Itoklimo eo ej yokwe kin armij enaj kamakit kij ñõn ad kõmmõn eindein. Jej aikwij bar lolok aolep ro rar kwalok air itoklimo ilo News kin Ailiñ eo.
5 Ta Eo Kwonaj Ba Ñe Kwoj Bar Jeblak? Kwomaroñ ba jet nan ko ikijen an jejjet ennan eo ilo News kin Ailiñ eo inem bõkmantak juõn kajitõk eo ej kamakit lemnak. Lukkun roñjake ta eo ri mweo ej ba bwe kwon maroñ jela ta eo ej bed ilo lemnak eo an. Inem jitõñlok ñõn point eo ekkar ilo Jen Kõmmõne brochure eo, eo News kin Ailiñ eo ear kwalok kake. Elañe ri mweo ej uak ilo mõnõnõ, kajeoñ in jino juõn Bible study ilo ien eo wõt.
6 Ijin ej jet ennan ko rej rejañ kaki me kwomaroñ kajeoñ kajerbali ñe kwoj bar jeblak ibben ro rar kwalok air itoklimo ilo “News kin Ailiñ eo” No. 35:
◼ “Bõlen kwomaroñ kememej tract eo iar door ibbam. Ennan eo ej jelet juõn aitwerõk eo ej kijibel armij rainin—an jabwe yokwe kin ro jet.” Jitõñlok ñõn men in kamol eo rej kwalok kake ilo peij 2 ilo News kin Ailiñ eo iumin katak eo “Yokwe Ri Turer Ej Mololok.” Inem kajitõk, “Kwoj lemnak ke bwe ej karõk eo an Anij kin armij ñõn mour ilo wãwen in? Kõtlok an uak. Eliklok ñõn katak 5 ilo Jen Kõmmõne brochure eo, im kajeoñ in jino juõn katak kin Bible.
◼ “Ke jaar iion don jinoin, iar door ibbam jet kamelele ko kin katak eo ‘Armij Otemjej Renaj Yokwe Don Ke?’ Kwoj lemnak ke bwe emaroñ wor juõn lõl rot in?” Kõtlok an uak. Eliklok ñõn katak 6 ilo Jen Kõmmõne brochure eo, im konono paragraph 6. Inem konono kin kallimur eo an Anij ilo Micah 4:3, 4. Elañe ri mweo ej kwalok an itoklimo, lelok brochure eo im juõn katak kin Bible.
◼ “Ke iar lotok ilo trip eo lok, iar door juõn tract naetan ‘Armij Otemjej Renaj Yokwe Don Ke?’ Ear tilmaake juõn katak kin Bible ilo ejelok wõnãn. Iar jeblak tok in kwalok ñõn kwe book in jibañ eo kimij kajerbale. [Kwalok book eo Mour Indio.] Book in ej kamelele ilo alikar ñãt armij otemjej renaj yokwe don, im ej uak kajitõk ko jet me kwoj lemnak kaki: Etke jej rittolok im mij? Etke Anij ej kõtlok iñtan? Ta eo ej walok ñõn ro jitenburu ibbed remij?” Inem kajitõk, “I maroñ ke kwalok ñõn yuk kilen katak Bible?” Elañe ri mweo ejjab kõnan, kajitõk ibben elañe e kõnan make readi book eo. Elañe ekõnan, door juõn copy im kamelele bwe jerbal in katak Bible eo ad ibelakin lõl ej wõnmanlok ikijen jabawot ko an armij. Karõk ñõn bar jeblak.
7 Ñe ededelok ad jerbale territory eo ad kin News kin Ailiñ eo No. 35, jemaroñ lelok kajjojo copy ko kin Imõniaroñroñ im Awake! ilo bwen alliñ eo. Ijo ewor itoklimo ie ilo ien bar jeblak, kwomaroñ lelok subscription ko ñõn magazine ko.
8 Jaketo-jaketak in ejej uan en kamakit kij aolep ñõn kalaplok jibadbad eo ad ilo jerbal in kwalok nan. Kin jibañ jen Jehovah jemaroñ liki bwe jerbal in enaj wor tõbrak, ñõn jibañ armij ñõn lo bwe ej karõk eo an Anij in bwe armij otemjej ren yokwe don. Jehovah enaj wõnmanlok in kajerammõn jibadbad eo ad ñe jej bar jeblak ibben aolep ro rej kwalok air itoklimo kin News kin Ailiñ eo.