Kwon Mijak Jehovah Iumin Aolepen Ran
1 “Mijõk Jeova jinoin meletlet.” (Sam 111:10) Ej kamakit kij ñan kõmman jerbal ko remõn im jibañ kij ñan ilok jen nana. (Ken. 16:6) Mijak in ej juõn kautiej elap ñan ri Kõmanmõn eo ad, im ej kamakit kij ñan bõprae ad jab bokake im kaillu e. Ej juõn men jej aikwij kaddeke im kwaloke iumin aolepen ran.—Ken. 8:13.
2 Ran otemjej, jitõb eo an lal eo an Satan ej jibed kij ñan lor wãwen ko an renana. (Ep. 6:11, 12) Kanniekid jab wãppen ejerawiwi im ekkã an kõmman men eo enana. (Gal. 5:17) Kin men in, ñan bokake kien ko an Jehovah, im bõk mour, jej aikwij mijak e iumin aolepen ran.—Dut. 10:12, 13.
3 Ilo Dri Hibru 10:24, 25, ej kakabilek kij ñan koba ibben don bwe jen maroñ rejañ don im “kalaplok ar kõmõn men in” ilo ien kein jej bed ie. Keini ad bed ilo kwelok ko eaorõk elañe jekõnan deor jen ran kein eliktata. Mijak eo ad ñan kaillu Anij ej kamakit kij ñan bed ilo kwelok ko im kaorõk karõk ko air. Ro rej mijak Anij rej watõk air bõk kunair ilo kwelok ko einwõt juõn jerammõn ekwojarjar.
4 Bokake kien eo ñan kwalok kin news eo emõn kin Ailiñ eo ej bar juõn wãwen jej kwalok ad mijak Anij. (Mat. 28:19, 20; Jerbal 10:42) Juõn mejenkajjik elap kin jerbal in kwalok nan ej ñan jibañ ro jet ñan kaddek air mijak Jehovah im ñan kõmanmõn ankil an. Jej kõtõbrak men in ilo ad kõmman bar jeblak ko, kate kij ñan kõmman Bible study ko, inem katakin ro jet kin aolep kien ko an Anij. Ilo wãwen in jej kwalok ad mijak Jehovah im ad yokwe ri turid.—Mat. 22:37-39.
5 Ro rejjab mijak Anij rej likjap in kaddeklok juõn lemnak in kamolol kin men ko lor jitõb, im rej lelok ir make ñan mejatoto ekauwatata an lal, ak wãwen lemnak eo an. (Ep. 2:2) Jen bebek ñan “jerbal ñõn Anij im kabuñburuen kake kin ujõke ekwojarjar im mijõk.” (Hib. 12:28) Ilo wãwen in jenaj madmõde jerammõn ko an ro rej mijak Jehovah iumin aolepen ran.