Program eo Ekãl an Ran in Special Assembly eo
1 Ke jikin kõmman news ko im ri katakin ro an lal rej kautiej mweie ilo kanniek, Nan in Anij ej rejañ kij ñan ad “Mweie kin Jerbal ko Remõn.” (1 Tim. 6:18) Eñin unin tel in program eo an ran in special assembly eo jinoe ilo September 2002. Ta nan in kõketak eo jenaj bõke ilo kwelok in?
2 Circuit overseer eo enaj konono kin ta melelen ad “Mweie Ekkar Ñan Lemnak eo an Anij,” im enaj interview jet ro rej kate ir ñan air mweie ilo jitõb. Ilo katak eo an mokta ilo ran eo, ri lotok ri konono eo enaj kwalok kin ewi wãwen armij ro an Anij rej kõmman “Jerbal ko Remõn ilo Ien Madmõd In.” Kij kajjojo jenaj bõk rejañ ñan lemnak kin ewi wãwen jemaroñ kalaplok ijo kunad ilo jerbal in madmõd eo letok in Anij me rej kõtõbrake rainin.
3 Elap ad mõnõnõ ñe jej lo Christian jodikdik ro rej jibadõk air mweie ilo jitõb! Men in ej kaibujuij Jehovah im ej jibañ jodikdik ro ñan kõmman juõn bedbed emõn kin jerammõn in jerbal ko ilo ran ko renaj itok. Katak eo “Nebar Jodikdik Ro kin Jerbal ko Remõn ñan Kaibujuij Jehovah” naj kalikar jerbal ko remõn me Christian jodikdik ro ilo bukwon eo rej kõmmani.
4 Ta tokjen ko rej walok kin ad jibadõk jerbal ko remõn? Ri lotok ri konono eo enaj etale men in ilo katak eo an eliktata, “Etal Wõt ilo Jerbal ko Remõn im Madmõd Kajerammõn ko Jen Jehovah.” Enaj etale emen wãwen ko ijo jemaroñ madmõd jerammõn ko relap: (1) einwõt kij kajjojo, (2) einwõt family ko, (3) einwõt juõn congregation, im (4) einwõt juõn dolul ibelakin lal.
5 Enaj wõr juõn ien emõn ñan ro rar wujleplok air mour ñan Jehovah ñan air baptais. Elañe ededelok am bõk buñten nee in, kejelãik presiding overseer eo ilo ien emõkajtata.
6 Ñe rej kejelã kin ran in assembly eo ñan bukwon eo am, kwon mõkaj im kõmman karõk ko ñan bed ilo kwelok eo. Kate yuk ñan am mõkaj bwe kwon maroñ bõk kunam ilo al in kabellok eo im jar. Ilo ad bed im liñõre aolepen program in ilo ran in special assembly eo men in enaj kakajur kij ñan wõnmanlok im jibadõk juõn ial me enaj kõmman bwe en mol ad mweie ekkar ñan Anij eo ad, Jehovah.