Program eo Ekãl an Ran in Special Assembly

Ebellok elõñ kamelele ko ilo ran kein ikijen kejbãrok buruõd ilo kanniek bwe mour eo ad en laplok an mõnõnõ im aetoklok. Ak men eo elaplok an aorõk ej wãwen buruõd ilo jitõb. Inem, elap an ekkar unin tel in ran in special assembly eo jino ilo September 2003: “Karejar ñan Jehovah kin juõn Buru Eyu” (1 Kron. 28:9) Ta eo jemaroñ kõtmene in katak kake?

Circuit overseer eo enaj konono kin “Jibañ Ro Jet bwe Ren Karejar ñan Jehovah kin juõn Aan Elemõnõnõ.” Interview ko renaj kwalok kin lañliñ eo ej walok jen ad kaddeklok itoklimo im katak Bible ibben armij ro rekõnan karejar ñan Jehovah. Ejelok bere bwe aolep ro rej kwelok renaj bõk kainemõn im kõketak jen katak eo mokta an ri lotok ri konono eo, “Kejbãrok Buruõd ilo juõn Lal Eabañ.” Program eo ilo jibboñ enaj kajemlok kin katak in baptais eo.

Ilo elikin raelep, katak eo “Mõnõnõ in Lelok Jibañ” enaj etale kin ewi wãwen jemaroñ jibañ ro jet. Ta eo ro jemen im jinen remaroñ kõmmane ñan kejbãrok buruen ro nejiir jen kilan ko renana im jibañ ir ñan ruaklok ñan Jehovah? Katak eo “Jibañ Ro Nejemi ñan Bõk Lañliñ ilo Jehovah” enaj letok nan in rejañ ko rekeie im enaj wõr demonstration kin ewi wãwen jemaroñ kõmmane.

Jej kortokjen ke aolep men in letok ko Jehovah ej kõmmani ñan kejbãrok bwe buruõd ilo jitõb en ejmour im kajur? Katak eo eliktata an ri lotok eo, “Debij juõn Buru Eyu ilo Ad Karejar ñan Jehovah,” enaj etale emen wãwen ko raorõk ilo program eo ad ñan kejbãrok mour in jitõb eo ad. Ewi joñan ien im kate jej kõmmane ñan jar, ñan katak Nan eo an Anij, ñan kijejeto in kwalok nan, im ñan kamao ibben Ri Christian ro jet? Jemaroñ ke kakõmanmanlok jabdewõt ian wãwen kein?

Jehovah ej letok nan in kir in: “Kwon lelok buruõm ñõn men in katak, im lojiliñõm ñõn nan ko nan in meletlet.” (Ken. 23:12) Kõmman karõk ko kiõ ñan bed ilo ran in ewõr tokjen ñan bõk nan in katak ko jen Bible eo. Ilo am kõmmane enaj kakajur yuk ñan wõnmanlok im karejar ñan Jehovah kin juõn buru eyu im juõn aan elañliñ.