Juõn Video Me Ej Kalikar juõn Kilen Doctor Eaorõk
Ro rej jelã kin kien ko an juõn ailiñ im ro rej tijemlok in kejbãrok ejmour elaplok air lale maroñ ko an ri nañinmij ro rej doctor. Men in ear kowõnmanlok kilen doctor ko rekãl me Ri Kennan ro an Jehovah remaroñ bõk tokjen jeni. (Jerbal 15:28, 29) Eñin men eo video eo Transfusion-Alternative Health Care—Meeting Patient Needs and Rights ej kalimjeklok. Kwon aluije, inem elij kin ta eo kwar katak kake.—Lale: Kinke video eo ej koba jet pija ko rekadu kin mwijmwij, ro jemen im jinen ren kwalok lolokjen ñe rej aluije ibben ajiri ro redik.
(1) Etke jukjuk im bed in doctor ro rej bar etale air kajerbal bõtõktõk? (2) Kwalok jilu wanjoñok ko kin mwijmwij ko relap me rar kõmmani ilo air jab lelok bõtõktõk. (3) Jete doctor ro rar kwalok air mõnõnõ in kamadmõde ri nañinmij ro ilo air jab lelok bõtõktõk? Etke rej mõnõnõ in kõmmane? (4) Ekkatak ko an hospital ko ilo ran kein rej kwalok ta kin kajerbal bõtõktõk? (5) Ta men in kauwatata ko rej walok ñe juõn ej bõk bõtõktõk? (6) Elõñ ro retijemlok rar bõk jemlok ta eo ikijen tokjen ko kin kajerbal kilen doctor ko jet rejjab kajerbal bõtõktõk? (7) Ta eo ej kõmman anemia (jabwe bõtõktõk)? Ewi joñan enbwinin armij emaroñ emõn wõt an jerbal ñe ejabwe bõtõktõkin? Ta eo remaroñ kõmmane ñan kabwe wãwen in? (8) Ta eo remaroñ kõmmane ñan kamakit enbwinin ri nañinmij eo ñan kalaplok an kõmmane red cell ko? (9) Ta kõl ko rej kajerbali ñan kadiklok an toor bõtõktõk ilo ien mwijmwij? (10) Kõl ko jet rejjab kajerbal bõtõktõk remaroñ ke keie ñan ajiri ro redik ak ñan armij ro rej bed ilo kauwatata? (11) Ta juõn ian kien mwil ko relap kin kejbãrok in doctor emõn? (12) Etke eaorõk bwe Ri Christian ro ren kõmman jokãlet ko kin kilen doctor rejjab kajerbal bõtõktõk ilo juõn ien lok iman? Ewi wãwen ad maroñ kõmmane men in?
Bebe eo ñan bõk jet kilen doctor ko me rej kwaloki ilo video eo ej ñan an armij make kõmmane ekkar ñan bõklikit eo an emwij an Bible eo katakin e. Emwij ke am bebe ikijen kilen doctor et ko jet rejjab kajerbal bõtõktõk kwe im family eo am komij mõnõnõ in bõki? Ro uan family eo me rejjab Ri Kennan ro rej aikwij jelã bareinwõt kin bebe eo am im un ko unin kwar kõmmani.—Lale “Questions From Readers (Kajitõk ko Jen Ro Rej Read)” an June 15 im October 15, 2000, magazine in Watchtower ilo kajin English.