Juõn Video Me Ej Kalikar Juõn Oktak Eaorõk Ilo Kilen Doctor
Ri jerbal ro an kien im jikin ejmour elaplok air kwalok air itoklimo kin bõklikit im maroñ ko an ri nañinmij ro. Menin ear kabellok elõñ kilen kamadmõd ko rekãl me Ri Kennan ro an Jehovah remaroñ bõk tokjen jeni. (Jerbal 15:28, 29) Eñin mejenkajjik eo an video eo Transfusion-Alternative Health Care—Meeting Patient Needs and Rights (Kõl ko Jet Ijellokin Bõk Bõtõktõk ñan Kejbãrok Ejmour—Ñan Kajejjet Aikwij ko im Maroñ ko an Ri Nañinmij eo). Aluiji, im eliji ta eo kwar katak jene.—Lale: Kinke ilo video in ej walok jet mõttan ko kin ien rej mwijmwij juõn armij, ritto ro rej aikwij kajerbal lolokjen ñe rej aluiji video in ibben ajiri ro redik.
(1) Etke jet ilo jukjuk im bed eo an doctor rej bar etale kin air kajerbal im lelok bõtõktõk? (2) Kwalok jilu wanjoñok ko kin mwijmwij elap ko me remaroñ jab kajerbal bõtõktõk. (3) Jete oran doctor im doctor in mwijmwij ro ibelakin lal in emwij air kwalok kõnan eo air ñan kamadmõde ri nañinmij ro ilo air jab kajerbal bõtõktõk? Etke rej mõnõnõ in kõmmane menin? (4) Ta ekkatak ko rekãl an hospital ej kwalok kin kajerbal bõtõktõk? (5) Ta kauwatata ko kin ejmour rej walok jen bõk bõtõktõk? (6) Ta jemlok eo elõñ ro retijemlok ilo jerbal in doctor emwij air bõk ikijen tokjen ko jen air kajerbal kõl ko jet ijellokin air lelok bõtõktõk? (7) Ta eo ej kõmman bwe en dik bõtõktõkin juõn armij? Ñan ewi joñan enbwinin armij emaroñ emõn wõt an jerbal ñe ejabwe bõtõktõkin? Ta eo remaroñ kõmmane ñan kabwe wãwen in? (8) Ta eo remaroñ kõmmane ñan kamakit enbwinin ri nañinmij eo ñan an kalaplok an kõmman red cell ko? (9) Ta kilen kamadmõd ko rej kajerbali bwe en dik an torlok bõtõktõk ilo ien mwijmwij? (10) Kõl ko jet ijellokin bõk bõtõktõk remaroñ ke jerbal ñan ajiri ro ak ñan armij ro me mour ko air rej bed ilo wãwen ko rekauwatata? (11) Ta eo ej juõn ian men ko raorõk kin kilen doctor eo emõn? (12) Etke eaorõk bwe Ri Christian ro ren kõmman jokãlet ko air lok wõt iman kin kilen doctor ko rejjab kajerbal bõtõktõk? Ewi wãwen jemaroñ kõmmane men in?
Ilo ad bõk jet ian kamadmõd in doctor ko me rej walok ilo video in, menin ej an juõn make bebe im ej ekkar ñan bõklikit eo an emwij an Bible eo katakin. Emwij ke am bebe kin ta kõl ko jet kwoj mõnõnõ in bõk e ñan kwe im ajiri ro nejim? Ro uan family eo am me rejjab bed ilo tõmak rej aikwij jelã kin bebe ko am im ta unin am kõmmani.—Lale “Questions From Readers (Kajitõk ko jen Ri Konono ro)” ilo June 15, 2004, im October 15, 2000, magazine in Watchtower ilo kajin English.