Kwon Kortokjen Bible eo
1 Jekdon ta book ko jej karõk ñan kajerbali ilo jerbal in kwalok nan, elap tokjen ñan am kãlet juõn eon ej kamakit lemnak ñan am kwaloke ñan ro rej mõnõnõ in roñjake. (Hib. 4:12) Ilo am kãlet juõn eon eo ej walok ilo book eo kwoj leloke enaj kõmman bwe en bolemen wãwen am bõkmantak book eo. Ilo jet jikin ko, ri kwalok ro rar lo bwe ewõr tokjen ilo air jibwe Bible eo ilo peiir ñe rej kebak juõn armij ak ñe rej kwalok nan jen em ñan em.
2 Jino Kin juõn Eon: Jet ri kwalok ro rej kabellok ennan eo air ilo air bõkmantak juõn kajitõk elamwan kin lemnak eo an ri mweo kin juõn eon ilo Bible inem rej readi. Men in ej mõkaj an kareilok ri mweo ñan Nan eo an Anij. Jet ian nan in kabellok kein renaj keie ke ilo territory eo am?
◼ “Elañe ear wõr am maroñ, kwonaj kar bõktok ke oktak kein?” Konono Reveles̃õn 21:4.
◼ “Etke jej mour ilo ien ko rebin?” Konono 2 Timote 3:1-5.
◼ “Kwoj lemnak ke bwe bukwon eo ad enaj kar emõnlok elañe aolep armij rar lor nan in kakabilek in?” Konono Matu 7:12.
◼ “Kwoj lemnak ke bwe ro nejõm renaj maroñ lañliñ kin wãwen kein rej kwalok kaki ijin?” Konono Sam 37:10, 11.
◼ “Kwoj lemnak ke bwe juõn ien enaj jejjet kitien nan kein?” Konono Aiseia 33:24.
◼ “Kwoj jelã ke kin oktak in kien eo ej konono kake ijin?” Konono Daniel 2:44, New World Translation.
◼ “Kwonañin ke kar kõnan kajitõk ibben Anij kin kajitõk in?” Konono Job 21:7.
◼ “Jenaj maroñ ke bar lo ro jitenburu ibbed remij?” Konono Jon 5:28, 29.
◼ “Ro remij rejelã ke ta eo ro remour rej kõmmane?” Konono Ekklisiastis 9:5.
3 Kamelele, Kwalok Juõn Wanjoñok, Jerbale: Ñe juõn armij ej mõnõnõ in bwebwenato, kwon jab kwalok ennan eo ilo mõkaj. Bõk ien ñan kamelele, kwalok juõn wanjoñok, im jerbale eon eo kwoj readi bwe armij eo en maroñ melele kake. (Nih. 8:8) Ñe armij rej melele im bõk ta eo Nan in Anij ej katakin, emaroñ bõktok oktak ko remõn ilo mour ko air.—1 Tess. 2:13.
4 Wõnmanlok im kortokjen Bible eo ñe kwoj kaddeklok itoklimo eo. Kwomaroñ kajerbal ejja wãwen in wõt ñe kwoj bar jeblak: (1) Kãlet juõn eon ekkar. (2) Bõkmantak juõn kajitõk elamwan kin lemnak eo an kin juõn eon. Inem readi. (3) Kamelele, kwalok juõn wanjoñok, im jerbale. Kate yuk ñan kalaplok jelãlokjen eo an armij eo kin Nan eo an Anij kajjojo ien kwoj lolok e. Ejjabto tokelik kwomaroñ jino juõn katak kin Bible!
[Kajjitõk ko]
1. Ta eo kwomaroñ kõmmane ñan kebojak kin jerbal in kwalok nan?
2. (a) Ewi wãwen jemaroñ jino ennan eo ad kin juõn eon? (b) Ta katak ko ilo Jeje ko armij ro ilo territory eo am rej itoklimo kaki?
3. Ewi wãwen jemaroñ jibañ armij ro ñan melele kin eon ko ilo Bible jej read ñan ir?
4. Ewi wãwen jemaroñ kortokjen Bible eo ñe jej bar jeblak?