Men in Letok eo Ekãl ñan Jibañ Kij Bõprae Ad Bõk Bõtõktõk

Governing Body eo ear kowãppen ad kobaik mõttan ko raorõk ilo durable power of attorney (DPA) document eo im Advance Medical Directive/Release card eo ilo juõn wõt legal (ekkar ñan kien) document, eo jenaj jitõñlok ñan e einwõt DPA card eo. Kar keboje juõn DPA card ñan kajjojo ailiñ (state). Lukkun title in DPA card eo eoktak jen ailiñ ñan ailiñ.

Kwoj aikwij kanne DPA card eo ñan ailiñ eo wõt kwoj jokwe ie. Ejamin bõjrak an jerbal DPA card eo ilo jabdewõt jikin ko ilo United States im enaj jerbal einwõt juõn nan in keañ kin kõnan eo am ñe kwoj ito-itak ilo ailiñ ko jet. Ilo ilju im jeklaj, kwoj aikwij kanne juõn DPA card ekãl elañe (1) kwoj aikwij kõmman jabdewõt oktak ko ñan DPA card eo am, einwõt ukõt kõnan ko am, health-care agent ro, address ko, im telephone number ko, ak (2) kwoj luji ak ejorrãn DPA card eo am.

Ej juõn men in aikwij ñan jar ñan bõk tel ñe kwoj kanne DPA card eo ilo mweo. Bõtab, mokta jen am signi card eo, eaorõk bwe kwon lor lajrak ko ekkar ñan kien eo. Ñan wanjoñok, elañe card eo am ej ba bwe ruo ri kamol ro rej aikwij lo am sign, rej aikwij bed ñe kwoj signi card eo. Jen ien ñan ien book study overseer ro remaroñ kebak ro rar jab kanne card ko rekãl ñan lale elañe rej aikwij jibañ.

Mokta jen am limi DPA card eo, kõmman copy ko remõn ñan health-care agent eo, health-care agent eo juõn, im doctor eo am im bareinwõt juõn am copy. Kwomaroñ bareinwõt kõmman copy ko ñan ro jet uan family eo im congregation secretary eo. Ñe kwoj kõmman copy ko en ilo juõn wõt side im ion standard size (8 1/2ʺ x 11ʺ) peba, im likit DPA card eo itu-iolapen peij eo. Original DPA card eo en bed ibbam, im jab juõn copy.

Identity Card eo ñan ajiri ro rejañin baptais nejin Ri Kennan ro me ewõr date eo 3/99 ejañin oktak. Ro jemen im jinen ren kõmman bwe en wõr juõn card ñan kajjojo ajiri ro redik emwij kanne im signi im bwe en bed ibben ajiri ro ilo ien ko rekkar.

Ri kwalok ro rejañin baptais remaroñ ukõt nan ko ilo DPA card eo im Identity Card eo ñan je nan in kamelele ko ñan ir make im ro nejiir. Secretary eo ej aikwij lelok juõn card ñan aolep ri kwalok ro rej kab baptais ilo yiõ eo.