Pojak Kiiõ ñan Juon Nañinmej ilo Idiñ

Etke jej aikuj pojak? Nañinmej ko ilo idiñ im del̦o̦ñ ilo aujpitõl̦, ilo jidimkij remaroñ wal̦o̦k. Kõn men in, m̦okta jãn an wal̦o̦k juon idiñ, lukkuun kortokjãn kein jipañ ko repel̦l̦o̦k ñan jipañ eok ñe kwõnaaj nañinmej ilo jidimkij. Am̦ kõm̦m̦ane men in, kwõj kwal̦o̦k am̦ kaorõk mour im kien eo an Jeova kõn bõtõktõk.​—Jrb 15:28, 29.

Bwe kwõn pojak ta ko kwõmaroñ kõm̦m̦ani?

• Lukkuun bõk am̦ iien im jar ilo am̦ kane peba in kam̦ool ñan kapen pepe ko am̦ (DPA).a Ri-kwal̦o̦k naan ro em̦õj aer peptaij remaroñ kajjitõk ippãn eo ej loloodjake jikin bok eo juon aer peba in jab bõk bõtõktõk ak DPA im bareinwõt juon Identity Card (ic) ak peba ñan jab bõk bõtõktõk ñan ajri ro nejier

• Ñe kwõj juon eo ebõro̦ro, kajjitõk ippãn em̦m̦aan ro rej lale eklejia juon am̦ kaape in Information for Expectant Mothers (S-401). Peba in enaaj jipañ eok ñan kõm̦m̦ani pepe ko rem̦m̦an ñe ewal̦o̦k juon nañinmej bõlen ilo iien eo kwõj bõro̦ro im kõl̦otak

• El̦aññe kwõj aikuj m̦wijm̦wij kõn juon am̦ nañinmej im emaroñ jelõt bõtõktõk ak kwõj aikuj pãd ilo aujpitõl̦, ilo m̦õkaj kõjjel̦ãikl̦o̦k em̦m̦aan ro rej lale eklejia eo am̦ bwe ren jel̦ã im ba ñan ri-jerbal ro ilo aujpitõl̦ bwe ewõr juon jãn juon iaan Ri Kõnnaan ro an Jeova enaaj lowaj eok

Ewi wãween an em̦m̦aan ro rej lale eklejia maroñ jipañ? Remaroñ jipañ eok ñan kane peba in jab bõk bõtõktõk eo am̦. Bõtab, em̦m̦aan ro rej lale eklejia eo reban kõm̦m̦an pepe ak kwal̦o̦k l̦õmn̦ak ko aer make bwe kwõn kõm̦m̦ane kããlõt eo am̦. (Rom 14:12; Ga 6:5) Ñe kwõj kõjjel̦ãikl̦o̦k em̦m̦aan ro rej lale eklejia eo am̦ bwe kwõj iioon apañ me emaroñ ikijjeen bõtõktõk, renaaj m̦õkaj im ba l̦o̦k ñan Hospital Liaison Committee (HLC) kõn kwe.

Ewi wãween an HLC maroñ jipañ? Em̦m̦aan ro me rej jerbal ilo HLC kar kammineneik er bwe ren jipañ taktõ ro im ro ilo jikin ekajet bwe ren mel̦el̦e kõn tõmak eo ad kõn bõtõktõk. Remaroñ kõnono kõn kein kõm̦adm̦õd ko ñan bõbrae ad bõk bõtõktõk ippãn taktõ eo. Im ñe emenin aikuj, remaroñ jipañ eok ñan pukot juon taktõ me ej m̦õn̦õn̦õ in jipañ.

ALWÕJE PIJA EO ETAN HOW TO MAKE HEALTH-CARE DECISIONS REGARDING BLOOD, INNEM UWAAKE KAJJITÕK IN ITULAL̦:

• Ta eo kwaar katak jãn pija in me emaroñ jipañ eok ñan pojakl̦o̦k im̦aan ñe ewõr nañinmej ko ilo idiñ ikijjeen bõtõktõk?

  Your answer