Ewi Wãwen Jemaroñ Kajerbal Wanjoñok in Ennan ko
1. Ewi wãwen jen lemnak kin wanjoñok in ennan ko rej litoki?
1 Wanjoñok in ennan ko ñan lelok magazine ko im book ko jet ekkã air walok ilo Ad Jerbal Ñan Ailiñ Eo. Ñe jej bõk kunad ilo jerbal in kwalok nan, jejjab aikwij eliji ennan kein nan kin nan einwõt kar je. Kar litoki einwõt juõn lajrak in men ko jemaroñ ba. Enaj laplok an bolemen elañe jej kwalok ennan kein ilo nan ko ad make. Ñe jej kwalok ilo ad kajerbal nan ko ad make ej kõmman bwe ri mweo en ainemõn im ej kwalok mol im tõmak eo ad.—2 Kor. 2:17; 1 Tess. 1:5.
2. Etke jej aikwij lemnak kin manit ko ilo bukwon eo ñe jej keboje ennan ko ad?
2 Ukõt Ennan eo Am: Manit ko ilo bukwon eo elap an jelet wãwen eo jej kwalok kin news eo emõn. Kwomaroñ ke yokyokwe ri mweo inem bõkmantak ennan eo am ñe kwoj bwebwenato ibben, ak armij ro ilo territory eo am rej kõtmene am kajju im kwalok unin am kar lolok ir? Men in ej oktak jen jikin ñan jikin im jet ien ibben armij ro kajjojo. Kwoj aikwij bareinwõt kwalok lolokjen ñe kwoj kajerbal kajitõk ko. Kajitõk ko me ekkar am kwaloki ilo jet jikin ko emaroñ kõmman bwe armij ren inebata ilo jikin ko jet. Kin men in, jej aikwij kajerbal lemnak eo ad im ukõt ennan eo ad ekkar ñan ta eo emõn ilo bukwon eo.
3. Etke jej aikwij lemnak kin iminene im lemnak ko an ro jej konono ñan ir?
3 Bareinwõt, jej aikwij lemnak kin iminene im lemnak eo an armij ro ilo territory eo ad ñe jej kebojak kin jerbal in kwalok nan. Ñan wanjoñok, emaroñ oktak wãwen eo kwoj bwebwenato kin Matu 6:9, 10 ibben juõn eo ej bed ilo kabuñ in Catholic jen juõn eo ejaje kin “Jar eo an Iroij.” Ilo ad bõk jidik ien ñan lemnak, ekkã ad naj maroñ ukõt ennan ko ad bwe ren emejaja ñan armij ro jej iion ir ilo jerbal in kwalok nan.—1 Kor. 9:20-23.
4. Etke kebojak ilo emõn eaorõk?
4 Meñe jej karõk ñan kajerbal juõn wanjoñok in ennan ilo nan kin nan, ej aikwij emõn wõt ad kebojak. Jej aikwij read katak eo ak katak eo jej karõk ñan kwaloke im bukõt point ko me remaroñ kaitoklimoen armij ro. Inem kobaiki ilo ennan eo ad. Kin ad jelã kin melele ko remõn ilo book ko ad ej kõmman bwe jen kijejeto in liloki.
5. Etke jenaj aikwij keboje juõn ennan eoktak, im ewi wãwen jemaroñ kõmmane?
5 Wãwen Ko Jet ñan Kebak Armij: Jej aikwij kajerbal wõt ke wãwen ko ñan kebak armij einwõt kar kõlajraki ilo wanjoñok in ennan ko? Jaab. Elañe ebidodo lok am kajerbal bar juõn wãwen kebak armij ak bar juõn eon, kajerbale. Elaptata kin magazine ko, kwon bukõt ien ko remõn ñan kwalok kin katak ko jet me armij ro ilo territory eo am remaroñ itoklimo kaki ijellokin katak ko rej walok ilo kilen magazine eo. Ñe rej kõmman demonstration kin ennan ko ñan kwalok nan ilo Service Meeting, remaroñ kõmman karõk ko ñan demonstrate jabdewõt wãwen kebak armij me ekeie ilo territory eo ilo bukwon eo. Ilo wãwen in aolep remaroñ kwalok kin news eo emõn ilo juõn wãwen ebolemen.
[Kajjitõk ko]