Magazine eo Ejej Uan in Awake! Enaj Walok ilo September
1 Enañin aolep armij rej mõnõnõ in roñjake ainikien bao ko im lale an al tulok. Bõtab, elõñ rejjab kile bwe juõn Jemen ilañ ear kõmanman men kein otemjej ilo yokwe. Enaj wõr juõn ien emõn im ejej uan ñan kennan kin jerbal in kõmanman eo an Jehovah ilo ad leto letak magazine eo eaorõk in Awake! (Ais. 40:28; 43:10) Aolep katak ko renaj walok ilo magazine in ilo September renaj wawa ion katak eo “Is There a Creator? (Ewõr Ke juõn Ri Kõmanman?)”
2 Ilo Jikin ko Jenaj Kwalok Nan Ie: Elañe emaroñ, kwon karõk ñan bõk kunam ilo jerbal in kwalok nan jen em ñan em ibben congregation eo ilo Saturday otemjej. Emol, kwomaroñ lelok magazine in ejej uan ilo ran ko jet ilo week eo. Ri kaki ro ilo school ko im ro jet me rej tel ilo jerbal ko jet ilo school ko remaroñ itoklimo bareinwõt kin magazine in. Kin men in, jenaj kõmman karõk ko raorõk ñan lolok armij rein rej jokwe ilo territory eo am.
3 Elañe juõn armij ej kwalok an itoklimo, kwon likit juõn kajitõk ibben me kwonaj uake ñe kwoj jeblak ñan mweo imõn ilo trip in lal. Ñan wanjoñok, kwomaroñ bõkmantak juõn kajitõk kin etke juõn Ri Kõmanman eo ej yokwe armij ekõnan kõtlok elap eñtan. Inem, ñe kwoj bar jeblak, kwomaroñ kwalok katak 8 ilo book eo Jelãlokjen. Ak kwomaroñ kãlet in kwalok juõn kajitõk kin unin an Ri Kõmanman eo kõmanman lal im karõk ñan etale katak 1 ibben ñe kwoj bar jeblak trip in lal.
4 Ilo Jikin School eo: Elañe kwoj school wõt, emõn bwe kwon lelok magazine in Awake! einwõt juõn men in lelok ñan ri kaki in school ro im ri school ro mõttam. Ilo am baj likit wõt juõn copy in magazine in ion table eo am emaroñ kamakit armij ro bwe ren kajitõk kin ta eo jej tõmak kake. Bõlen kwonaj lo ien ko remõn ñan kajerbal melele ko kwoj bõk jen magazine in ñan jojomare tõmak eo am ilo ien bwebwenato ko ilo class eo am im ñe kwoj kõmman report ko am. Ñan jibañ yuk, ilo magazine in ewõr juõn katak etan “Young People Ask (Jodikdik Ro Rej Kajitõk)” im unin tel in katak eo ej “How Can I Defend My Belief in Creation? (Ewi Wãwen Imaroñ Jojomare Tõmak eo Aõ kin Kõmanman?)”
5 Jehovah ej tellokin bõk kautiej im nebar kin men ko ear kõmanmani. (Rev. 4:11) Jemaroñ kautiej Ri Kõmanman eo ad im jibañ ro jet bwe ren kõmman eindein ilo ad elloetak im lelok magazine in Awake! eo ilo September.