Magazine in Awake! eo Ejejuan Naj Lelok ilo Alliñ in November!
1 Elõñ armij ewõr kajitõk ko air kin aorõkin Bible eo. Elañe armij ear je Bible eo, etke rej ba ej Nan in Anij? Ta unin aõ liki Bible eo bwe en tel buñten neiõ? Ta tokjen aõ jolok ien im kate ñan read im katak Bible eo? Ukok in Bible rot ij aikwij kajerbale? Erkein ej jet ian kajitõk ko emwij uaki im rej bed ilo Awake! (Ruj!) magazine in ejejuan ilo November naetan “Kwomaroñ ke Liki Bible Eo?”
2 Jenaj kõnan kalaplok ad leto-letak magazine in ejejuan etan Awake! ilo territory eo ad. Elañe kwomaroñ, kwon karõk ñan bõk kunam ilo jerbal in kwalok nan jen em ñan em ibben congregation eo ilo Saturday otemjej ilo alliñ in November. Kwalok magazine in Awake! in ñan ro nukõm, ro ri turum, ri jerbal ro mõttam, ri kaki ro am, ri school ro mõttam, im ro kwoj bar jeblak ibbeir. Bõk jet copy ko ibbam ñe kwoj kaikujkuj im ito-itak. Elder ro rar kajitõk kin elõñ copy ko bwe en maroñ bwe ñan congregation eo.
3 Jino juõn Bible Study: Elañe kwoj lelok magazine eo, kwomaroñ likit juõn bedbed in am maroñ kõmman juõn Bible study mokta jen am kajemlok bwebwenato eo. Ñan wanjoñok, kwomaroñ ba, “Bar juõn ien, ikõnan kwalok ñan kwe jen Bible eo uak in kajitõk in, ‘Ta karõk eo an Anij kin lal in?’ ” Inem bar jeblak kin book in Jelãlokjen im kwalok ñan ri mweo peij 4-5. Ilo ien eo tok juõn, kwalok kilen katak Bible eo ibben ilo am kajerbal paragraph ko jinoin ilo katak 1. Bar juõn wãwen ej ñan am ba, “Bar juõn ien, ikõnan bwebwenato ibbam kin juõn kanan ilo Bible me ej jejjet kitien kiõ.” Ñe kwonaj bar jeblak, kwalok ñan ri mweo katak 11 ilo book in im bwebwenato ibben don kake paragraph 1-4. Ak kwomaroñ baj ba ñan ri mweo: “Elõñ rej lo bwe ebin air melele kin ta eo rej readi ilo Bible eo. Bar juõn ien, ikõnan kwalok ñan kwe wãwen emaroñ emõnlok am melele kin Bible eo am.” Ñe kwoj bar jeblak, kwalok kin book in Jelãlokjen eo, im kwalok kilen katak eo.
4 Bible eo wõt ewõr “jeje ko rokwojarjar,” me remaroñ ‘kameletlet kij ñõn lomor.’ (2 Tim. 3:15) Inem, kij aolep jej kõnan kijejeto ilo ad leto-letak magazine in ejejuan etan Awake! ñan jibañ armij ro kaddek liki eo air kin Bible eo!