Program eo Ekãl kin Circuit Assembly

Lal in ekõnan bwe jen tõmak bwe jukjuk im bed in kiõ enaj bed ñan indio. Bõtab, eoktak ta eo Nan in Anij ej ba. (1 Jon 2:15-17) Ej jibañ kij ñan ad jelã bwe ‘koorlok mweiuk ko ion lõl’ ej juõn jerbal ejelok tokjen. Ñan kakajur armij ro an Anij, circuit assembly program eo ñan yiõ in jerbal eo ilo 2007 enaj ejaak ion unin tel in katak eo “Koorlok Mweiuk ko . . . Ilõñ.”—Mat. 6:19, 20.

Lemnak in arõk mweiuk ej koba ibben men eo ej kwalok kake ilo Dri Epesõs 2:2 einwõt “kajur ko in mejatoto, jitõb eo ej jerbal ilo ro dri kiblia.” Einwõt an kõto bed ijoko otemjej, im ebojak ñan ad menonoik, eindein “jitõb in lal in” ej jededlok ilo jukjuk im bed in. (1 Kor. 2:12) Kinke elap kilan, emwij ba bwe ewõr an “kajur.” Program in circuit assembly in ekãl enaj jibañ kij ñan ad jumae lemnak in arõk mweiuk eo an lal in im ñan kejbãrok wõt ad lemnak kin men ko raorõktata ibbed. (Mat. 6:33) Program in enaj bareinwõt jibañ kij ñan ad liki Jehovah ñe jej kajejjet jerbal in kwalok nan eo ad, meñe jej jelmae ijjibed im melejoñ ko.

Kõmman bwe kwon bed ilo aolep ran kein ruo jimor im bwe kwon “kalaplok [am] kejbãrok men kein [kwar] roñjaki.” (Hib. 2:1) Jeje point ko raorõk kwomaroñ kajerbali ilo mour eo am im ilo ien am kwalok nan. Ilo am bed jen jinoin ñan jemlokin program eo ej kamweieik kij ilo jitõb, naj rejañ im kakajur yuk ñan am wõnmanlok im ‘koorlok mweiuk ko ilañ’!